இந்தியாவில் பிரீமியம் ஹேட்ச்பேக் கார் பிரிவில் வாடிக்கையாளர்கள் மத்தியில் நல்ல வரவேற்பைப் பெற்றுள்ள கார்களில் ஒன்று டொயோட்டா கிளான்சா. மாருதி பலேனாவை அடிப்படையாகக் கொண்டு உருவாக்கப்படும் இந்த கார், டொயோட்டா பிராண்டின் நம்பகத்தன்மை காரணமாகவும் தொடர்ந்து கவனம் பெற்று வருகிறது. இந்நிலையில், அப்டேட் செய்யப்பட்ட புதிய Toyota Glanza காரை டொயோட்டா நிறுவனம் வரும் அக்டோபர் 14-ம் தேதி இந்திய சந்தையில் அறிமுகப்படுத்த உள்ளதாக தகவல்கள் வெளியாகியுள்ளன.

புதிய கிளான்சா காரின் வெளிப்புறத் தோற்றத்தில் பல்வேறு மாற்றங்கள் செய்யப்பட்டுள்ளதாக கூறப்படுகிறது. குறிப்பாக, புதிய தலைமுறை மாருதி பலேனாவை நினைவுபடுத்தும் வகையில் இதன் வடிவமைப்பு இடம்பெறலாம் என எதிர்பார்க்கப்படுகிறது. முன்பக்க வடிவமைப்பு உள்ளிட்ட பல்வேறு பகுதிகளில் மாற்றங்கள் செய்யப்பட்டுள்ள நிலையில், காரின் ஒட்டுமொத்த தோற்றம் மேலும் பிரீமியம் தன்மையுடன் இருக்கும் என கூறப்படுகிறது.

புதிய Toyota Glanza காரில் 16 இன்ச் அலாய் வீல்கள், குரோம் விண்டோ சரவுண்ட் மற்றும் குரோம் டோர் ஹேண்டில் கார்னிஷ் உள்ளிட்ட வசதிகள் இடம்பெற உள்ளதாக தகவல்கள் தெரிவிக்கின்றன. இதுதவிர, எல்இடி டெயில் லேம்ப்களும் வழங்கப்பட உள்ளதாக கூறப்படுகிறது.

புதிய கிளான்சாவில் முக்கியமான மாற்றமாக இன்ஜின் இடம்பெறுகிறது. தற்போதைய K12N 1.2 லிட்டர் 4 சிலிண்டர் பெட்ரோல் இன்ஜினுக்குப் பதிலாக, புதிய Z12E 1.2 லிட்டர் 3 சிலிண்டர் நேச்சுரலி ஆஸ்பிரேட்டட் இன்ஜின் வழங்கப்பட உள்ளதாக கூறப்படுகிறது.

தற்போதைய பெட்ரோல் இன்ஜின் 89 ஹெச்பி பவர் மற்றும் 113 என்எம் டார்க் திறனை வழங்குகிறது. சிஎன்ஜி வேரியண்டில் 76 ஹெச்பி பவர் மற்றும் 98.5 என்எம் டார்க் கிடைக்கிறது.

புதிய Z12E இன்ஜின் பெட்ரோல் வேரியண்டில் 82 ஹெச்பி பவர் மற்றும் 112.4 என்எம் டார்க் திறனை வழங்கும் என கூறப்படுகிறது. சிஎன்ஜி வேரியண்டில் 69 ஹெச்பி பவர் மற்றும் 101.8 என்எம் டார்க் திறன் கிடைக்கும் என எதிர்பார்க்கப்படுகிறது.

இதன் மூலம் பழைய இன்ஜினுடன் ஒப்பிடும்போது அதிக மைலேஜை வழங்குவதில் புதிய இன்ஜின் முக்கிய பங்கு வகிக்கும் என கூறப்படுகிறது.

புதிய Toyota Glanza-வின் மைலேஜ் குறித்த தகவல்களும் வாடிக்கையாளர்களின் கவனத்தை ஈர்த்துள்ளன. மேனுவல் பெட்ரோல் வேரியண்ட் 23.80 கி.மீ/லிட்டர் வரையிலும், ஆட்டோமேட்டிக் வேரியண்ட் 24.77 கி.மீ/லிட்டர் வரையிலும் மைலேஜ் வழங்கும் என தெரிவிக்கப்படுகிறது.

இதற்கு முந்தைய வேரியண்டுடன் ஒப்பிடும்போது மைலேஜ் சுமார் 2 கி.மீ வரை அதிகரிக்கலாம் என கூறப்படுகிறது. அதேபோல், சிஎன்ஜி வேரியண்டில் 33.61 கி.மீ/கிலோ வரை மைலேஜ் கிடைக்கும் என எதிர்பார்க்கப்படுகிறது.

தற்போது விற்பனையாகி வரும் Toyota Glanza காரின் விலை சுமார் ரூ.8.06 லட்சம் முதல் ரூ.11.90 லட்சம் வரை உள்ளது. புதிய மாடலில் வடிவமைப்பு மற்றும் இன்ஜின் உள்ளிட்ட மாற்றங்கள் செய்யப்பட்டுள்ளதால், இதே