வருகிற ஜூன் 5-ந்தேதி, மணிரத்னம் இயக்கத்தில் உலகநாயகன் 'கமல்ஹாசன்' நடித்துள்ள 'தக் லைப்' திரைப்படம் வெளியாகவுள்ளது.அவ்வகையில் கன்னட நடிகர் சிவராஜ் குமார், சென்னையில் நடந்த தக் லைஃப் பட புரொமோஷன் விழாவில் கலந்துகொண்டார்.

கமல் ஹாசன்:

இதில் உரையாடிய கமல் ஹாசன் அவர்கள் தெரிவித்ததாவது, "உயிரின் உறவே தமிழே! எனது வாழ்க்கையும், குடும்பமும் தமிழ் மொழிதான். எனது குடும்பம் இங்கு இருக்கிறது. அதனால்தான் சிவராஜ்குமார் இங்கு வந்துள்ளார். அவரது மொழி (கன்னடம்) தமிழ் மொழியில் இருந்து பிறந்தது. அவரும் நமது குடும்பத்தில் ஒரு அங்கமாவார்" என்று தெரிவித்தார்.

இதில் கன்னடம் தமிழிலிருந்து பிறந்தது என்று தெரிவித்ததால், கமல் மீது கன்னட அமைப்புகள் கடுங்கோபத்தில் உள்ளன. இந்தக் கருத்தால் கர்நாடக மாநில காங்கிரஸ் மற்றும் பாஜக கைகோர்த்து கமலை விமர்சித்து வருகின்றன.

முதல்வர் 'சித்தராமையா':

அதிலும் குறிப்பாக, கர்நாடக முதல்வர் 'சித்தராமையா' நிருபர்களிடம் தெரிவிக்கையில், "கன்னட மொழிக்கு நீண்ட வரலாறு உண்டு. பாவம் கமல்ஹாசன், அவருக்கு அது தெரியாது" என்று தெரிவித்தார்.

சிவராஜ்குமார்:

இந்த நிலையில் கமல்ஹாசனுக்கு ஆதரவு தெரிவித்து நடிகர் சிவராஜ்குமார் பேசியுள்ளார். அதில் " கன்னடம் தமிழில் இருந்து பிறந்தது என்று கமல்ஹாசன் பேசிய நிலையில் ஆதரவு. நீங்கள் கன்னட மொழிக்கு என்ன செய்துள்ளீர்கள்?" கண்டனம் தெரிவித்தவர்களுக்கு சிவராஜ்குமார் கேள்வி எழுப்பியுள்ளார்."சர்ச்சை எழும்போது குரல் எழுப்பாமல் எப்போதும் கன்னட மொழியை ஊக்குவிக்க வேண்டும்" எனத் தெரிவித்துள்ளார்.