லியோ சிறப்புக் காட்சிக்கு அனுமதி - வைரலாகும் அரசாணை.! 

லோகேஷ் கனகராஜ் இயக்கத்தில் விஜய் நடிப்பில் உருவாகியுள்ள திரைப்படம் 'லியோ'. இந்தத் திரைப்படம் வருகிற 19-ம் தேதி வெளியாக உள்ளது. ஏற்கெனவே இந்தப் படத்தின் டிரைலர் கடந்த 5-ம் தேதி வெளியாகி ரசிகர்கள் மத்தியில் மிகப்பெரிய அளவில் வரவேற்பை பெற்றுள்ளது. 

இந்த ஆண்டு பொங்கல் சமயத்தில் வெளியான 'துணிவு' படத்தின் சிறப்பு காட்சியின் போது ரசிகர் ஒருவர் உயிரிழந்ததன் காரணமாக தமிழக அரசு திரையரங்களில் சிறப்பு காட்சிக்கான அனுமதியை ரத்து செய்து உத்தரவிட்டது. 

இந்த நிலையில், ரசிகர்களிடையே 'லியோ' படத்திற்கு ஏற்பட்டுள்ள மிகப்பெரிய எதிர்பார்ப்பை பூர்த்தி செய்யும் வகையில் தயாரிப்பு நிறுவனமான செவன் ஸ்கிரீன் ஸ்டூடியோஸ், லியோ படத்தினை அதிகாலைக் காட்சிகளில் வெளியிட வேண்டும் என்று தமிழக அரசிடம் கோரிக்கை வைத்திருந்தது.

அதன் படி, தமிழக அரசு படம் வெளியாகும் அக்டோபர் 19-ம் தேதி அதிகாலை 4 மணிக் காட்சிக்கும், அக்டோபர் 19-ம் தேதி முதல் அக்டோபர் 24-ம் தேதி வரை காலை 7 மணிக் காட்சிக்கும் அனுமதி அளித்துள்ளது.

இது தொடர்பாக தமிழக அரசு வெளியிட்டுள்ள அரசாணையில், விஜயை தளபதி விஜய் என்றுக் குறிப்பிட்டுள்ளது. இது தற்போது இணையத்தில் வைரலாகி வருகிறது.