ரஜினியுடன் இணையும் பாலிவுட் சூப்பர் ஸ்டார்! அதிகாரபூர்வ அறிவிப்பு!

நடிகர் ரஜினிகாந்தின் 170வது படத்தை லைகா நிறுவனம் பிரமாண்டமாக தயாரிக்க உள்ளது. இயக்குநர் த.செ.ஞானவேல் இந்த படத்தை இயக்க உள்ளார்.

ரஜினியின் ஜெயிலர் படத்தை தொடர்ந்து இந்த படத்திற்கும் அனிருத்துதான் இசை அமைக்கிறார்.

படம் குறித்த அதிகாரபூர்வ அறிவிப்பு ஏற்கெனவே வெளியான நிலையில், நாளை திருவனந்தபுரத்தில் படப்பிடிப்பு தொடங்க உள்ளது.

முதற்கட்ட படப்பிடிப்பில் நடிகர் ரஜினிகாந்த் சம்மந்தப்பட்ட காட்சிகளையும், அடுத்தடுத்த கட்ட படப்பிடிப்பை கன்னியாகுமரி, நாகர்கோயில் உள்ளிட்ட பகுதிகளில் நடத்த படக்குழுவினர் திட்டமிட்டுள்ளனர்.

இந்த படத்தில் நடிகைகள் மஞ்சு வாரியர், ரித்திகா சிங், துஷாரா விஜயன், நடிகர் ராணா டகுபதி மற்றும் ஃபஹத் ஃபாசில் உள்ளிட்டவர்கள் நடிக்க உள்ளதை தயாரிப்பு நிறுவனம் உறுதி செய்துள்ளது.