நாளை மாலை வெளியாகும் ''Dear Students '' படத்தின் teaser ...!

கடந்த 2019-ம் ஆண்டு மலையாள நடிகர் நிவின் பாலி மற்றும் நடிகை நயன்தாரா நடிப்பில் வெளியான படம் 'லவ் ஆக்சன் ட்ராமா'. இந்தப் படம் வெளியாகி மக்களிடையே நல்ல வரவேற்பு பெற்ற நிலையில், மீண்டும் புதிய படம் ஒன்றுக்காக இணைந்துள்ளனர்.

படத்திற்கு ''டியர் ஸ்டூடெண்ட்ஸ்'' என்று தலைப்பு வைத்துள்ளனர். இப்படத்தை சந்தீப் குமார் மற்றும் ஜார்ஜ் பிலிப் ராய் ஆகியோர் இணைந்து இயக்குகின்றனர்.இப்படத்தை நிவின் பாலி தயாரிக்க இதில் நயன்தாரா இணைந்துள்ளதை வீடியோ வெளியிட்டு படக்குழு அறிவித்திருந்தது.

இதைத் தொடர்ந்து படப்பிடிப்பு நடைபெற்று வந்த நிலையில் ‘டியர் ஸ்டூடெண்ட்ஸ்’ படத்தின் பர்ஸ்ட் லுக் போஸ்டர் வெளியாகி இணையத்தில் வைரலானது. மேலும், இப்படம் பள்ளிக்கூடத்தில் நடக்கும் கதைக்களத்தைக் கொண்டது.

இதற்கு முன்பு 'பிரேமம்' கல்லூரி காதல் கதையை அடிப்படையாக கொண்டு நிவின் பாலி மற்றும் சாய் பல்லவி நடிப்பில் உருவானது குறிப்பிடத்தக்கது.

இதனிடையே, நிவின் பாலி மற்றும் நயன்தாரா நடிப்பில் உருவாகி வரும் ‘டியர் ஸ்டூடெண்ட்ஸ்’ படத்தின் டீசர் நாளை மாலை 5 மணிக்கு வெளியாகும் என படக்குழு தற்போது அதிகாரபூர்வமாக அறிவித்துள்ளது.