#BREAKING : கோல்டன் குளோப் விருதைப் பெற்ற 'RRR' படத்தின் ‘நாட்டு நாட்டு’ பாடல்.!
RRR movie Nattu Nattu song won golden globe award
ராஜமௌலியின் 'RRR' திரைப்படத்தில் இடம்பெற்றுள்ள 'நாட்டு நாட்டு' பாடல் கோல்டன் குளோப் விருது வென்றுள்ளது.
பாகுபலியின் பிரம்மாண்ட வெற்றிக்கு பின் இந்திய திரையுலகில் தவிர்க்க முடியாத இடத்தை பிடித்த இயக்குனர் ராஜமௌலி. அதன் பிறகு அவர் இயக்கும் படங்கள் குறித்து எதிர்பார்ப்பு எழுந்து வந்தது.
இதனையடுத்து இயக்குனர் தெலுங்கு சினிமாவின் முன்னணி நடிகர்களான ராம்சரண் மற்றும் ஜீனியர் என்டிஆரை வைத்து 'RRR' என்ற பிரம்மாண்ட திரைப்படத்தை இயக்கினார். மேலும், இந்த திரைப்படத்தில் பாலிவுட் நடிகர் அஜய் தேவ்கன் மற்றும் அலியா பட் நடித்திருந்தனர்.
இந்த நிலையில் கடந்த 2022 மார்ச் 25ம் தேதி திரையரங்குகளில் தெலுங்கு, தமிழ், மலையாளம், கன்னடம், இந்தி மொழிகளில் வெளியான இந்த திரைப்படம் ரசிகர்களிடையே நல்ல வரவேற்பை பெற்றது.
இந்த படத்திற்கு இசையமைப்பாளர் எம்.எம் கீரவாணி இசையமைத்துள்ள 'நாட்டு நாட்டு' பாடல் ஒரிஜினல் பாடல் பிரிவில் கோல்டன் குளோப் விருதை வென்றுள்ளது. ஆஸ்கார் விருதுக்கான போட்டி பட்டியலில் 'நாட்டு நாட்டு' பாடல் உள்ள நிலையில் கோல்டன் குளோப் விருது வென்றுள்ளது குறிப்பிடத்தக்கது.
English Summary
RRR movie Nattu Nattu song won golden globe award