தென்னிந்திய திரையுலகில் பிரபல ஜோடியாகக் கருதப்படும் நடிகை ராஷ்மிகா மந்தனா மற்றும் நடிகர் விஜய் தேவரகொண்டா விரைவில் திருமணம் செய்ய உள்ளதாக சமூக வலைதளங்களில் தகவல்கள் பரவி வருகின்றன. இதற்கான அதிகாரப்பூர்வ அறிவிப்பு வெளியாகாத நிலையில், இருவரின் சொத்து மதிப்பு குறித்த விவரங்கள் ரசிகர்களிடையே அதிக கவனம் பெற்றுள்ளன.

பான்-இந்தியா நடிகையாக திகழும் ராஷ்மிகா மந்தனாவின் நிகர சொத்து மதிப்பு சுமார் 60 கோடி ரூபாய் என மதிப்பிடப்படுகிறது. தமிழ், தெலுங்கு, இந்தி திரைப்படங்களில் நடித்து வருவதோடு, பல்வேறு விளம்பர ஒப்பந்தங்களின் மூலம் பெரும் வருமானம் ஈட்டி வருகிறார். பெங்களூரில் சொகுசு வீடு மற்றும் மும்பை, ஹைதராபாத் நகரங்களில் சொத்துக்கள் உள்ளதாக கூறப்படுகிறது. மேலும், உயர்தர கார்கள் அவரது சேகரிப்பில் இடம்பெற்றுள்ளன.

மறுபுறம், விஜய் தேவரகொண்டாவின் சொத்து மதிப்பு சுமார் 70 கோடி ரூபாய் வரை இருக்கலாம் என தகவல்கள் தெரிவிக்கின்றன. ஒரு படத்திற்கு 12 முதல் 15 கோடி ரூபாய் வரை சம்பளம் பெறும் அவர், தயாரிப்பு நிறுவனம் மற்றும் தனது ஃபேஷன் பிராண்ட் மூலமாகவும் வருமானம் பெறுகிறார். ஹைதராபாத்தில் பிரமாண்ட வீடும், பல லக்ஷுரி கார்கள் வசமும் உள்ளதாக கூறப்படுகிறது.

இருவரும் தங்களது திறமை மற்றும் உழைப்பால் முன்னணி நட்சத்திரங்களாக உயர்ந்துள்ளனர். திருமண செய்தி உறுதியாகினால், அது ரசிகர்களுக்கு மகிழ்ச்சியான செய்தியாக இருக்கும். தற்போது சமூக வலைதளங்களில் இவர்களைச் சுற்றிய தகவல்கள் தீவிரமாக பேசப்பட்டு வருகின்றன.