நடிகர் கமல் ஹாசன் நடித்த நாயகன் திரைப்படம் மறுவெளியீடு!
kamalhasan nayagan movie
நடிகர் கமல் ஹாசன் நடித்த நாயகன் திரைப்படம் மறுவெளியீடாக வெளியாக உள்ளது.
மணிரத்னம் இயக்கத்தில், கமல் ஹாசன் நடித்த இந்த படம் 1987 ஆம் ஆண்டு வெளியானது. மும்பையில் வாழும் தமிழர்களுக்காக போராடும் வேலுநாயக்கர் என்ற கதாபாத்திரத்தில் கமல் நடித்தார். அவரது நடிப்பு அப்போது ரசிகர்கள் மத்தியில் பெரும் வரவேற்பைப் பெற்றதுடன், விமர்சகர்களாலும் பாராட்டப்பட்டது.
நாயகன் படம் வெளிவந்த காலத்தில் பாக்ஸ் ஆபீசில் வெற்றியை மட்டுமின்றி, தமிழ் சினிமா வரலாற்றில் கலாச்சார அடையாளமாகவும் திகழ்ந்தது. இன்று வரை சிறந்த படங்களில் ஒன்றாகக் கருதப்படும் இந்த படம், பலரின் நினைவில் அழியாத இடத்தை பெற்றுள்ளது.
இந்நிலையில், நடிகர் கமல் ஹாசனின் பிறந்த நாளை முன்னிட்டு, வரும் நவம்பர் 7 ஆம் தேதி இந்த படத்தை மறுவெளியீடு செய்ய தயாரிப்பு நிறுவனம் முடிவு செய்துள்ளது. இதன் மூலம் கமல் ரசிகர்கள் மீண்டும் திரையரங்கில் நாயகனை பெரிய திரையில் அனுபவிக்கும் வாய்ப்பைப் பெற உள்ளனர்.