அஜித்தின் ஊட்டுகுளங்கர பகவதி அம்மன் டாட்டூ புகைப்படம் வைரல்..!

குட் பேட் அக்லி படத்தின் வெற்றியைத் தொடர்ந்து நடிகர் அஜித்குமார் கார் ரேஸ்களில் அதிகம் கவனம் செலுத்தி வருவதோடு, சொந்தமாக ரேஸிங் பந்தய நிறுவனத்தையும் அவர் உருவாக்கியுள்ளார். இந்த கார் பந்தய நிறுவனம் துபாய், பெல்ஜியம் போன்ற நாடுகளில் நடைபெற்ற பந்தயங்களில் கலந்து கொண்டு பரிசுகளையும் வென்றுள்ளது.

இந்நிலையில் அஜித்தின் அடுத்த படத்தையும் ஆதிக் ரவிச்சந்திரனே மீண்டும் இயக்கவுள்ளதாக கூறப்படுகிறது. இந்த படம் ஜனரஞ்சகமான கமர்ஷியல் படமாக அமையும் என ஆதிக் சமீபத்தில் ஒரு பேட்டியில் கூறியிருந்தார். அந்த புதிய படத்தின் ப்ரீ புரொடக்சன் பணிகள் நடைபெற்று வருவதாக தகவல்கள் வெளியாகியுள்ளன.

இந்த சூழலில் நடிகர் அஜித் குமார் குடும்பத்தினருடன் கேரளா பாலக்காட்டில் உள்ள பிரசித்தி பெற்ற பகவதியம்மன் கோவிலில் குடுப்பத்துடன் தரிசனம் செய்துள்ளார். இந்த புகைப்படம் தற்போது இணையத்தில் வைரலாகி வருகிறது.

இதில் அஜித்குமார் மேலாடை அணியாத நிலையில் அவர் தனது மார்பின் வலது பக்கத்தில் பச்சைக் குத்திக் கொண்டுள்ள போட்டோ தற்போது வைரலாகியுள்ளது.அஜித் குமார் குடும்பத்தின் குல தெய்வமான பகவதியம்மனை தான் அஜித் டாட்டூ போட்டிருப்பதாக தெரிகிறது.