தமிழ், ஹிந்தி, மராத்தி உள்ளிட்ட பல மொழிகளில் தனித்துவமான நடிப்பால் ரசிகர்களை கவர்ந்த நடிகை அதிதி ராவ் ஹைதராபாத் பூர்விகத்தைச் சேர்ந்தவர். கடந்த ஆண்டு நடிகர் சித்தார்த்தை திருமணம் செய்து கொண்ட அதிதி, இன்று தனது 47ஆவது பிறந்தநாளை கொண்டாடி வருகிறார். இதனை முன்னிட்டு, அவரின் மொத்த சொத்து மதிப்பு குறித்த தகவல் வெளியாகி ரசிகர்களை ஆச்சரியப்படுத்தியுள்ளது.

அதிதி, 2006-ஆம் ஆண்டு மலையாள திரைப்படமான பிரஜபதி மூலம் திரையுலகில் அறிமுகமானார். பின்னர் தமிழில் ஸ்ரீநகரம் படத்தில் நடித்தாலும் பெரும் வரவேற்பு கிடைக்கவில்லை. ஆனால், ஹிந்தியில் டெல்லி 6, தோபி காட் போன்ற படங்களில் நடித்ததன் மூலம் பெரும் பெயரை பெற்றார்.

தமிழ் சினிமாவில் அவர் மீண்டும் அறிமுகமானது மணிரத்னத்தின் “காற்று வெளியிடை” திரைப்படத்தின் மூலம். படம் மிகப்பெரிய ஹிட் ஆகவில்லை என்றாலும், அதிதியின் அழகு மற்றும் இயல்பான நடிப்பு கோலிவுட் ரசிகர்களை கவர்ந்தது. பின்னர் செக்கச்சிவந்த வானம், ஹே சினாமிகா போன்ற படங்களில் நடித்தார். மேலும், ஜெயில் படத்தில் ஒரு பாடலையும் பாடி பாடகியாகவும் தன்னை வெளிப்படுத்தினார்.

திரையுலகில் முன்னேறிய அதிதி, தனிப்பட்ட வாழ்க்கையிலும் பல ஏற்றத் தாழ்வுகளை சந்தித்தார். 2002 ஆம் ஆண்டு நடிகர் சத்யதீப் மிஸ்ராவை திருமணம் செய்த அவர், சுமார் 11 ஆண்டுகளுக்குப் பிறகு விவாகரத்து பெற்றார். பின்னர் சிங்கிளாக இருந்த அதிதிக்கு நடிகர் சித்தார்த்துடன் பழக்கம் ஏற்பட்டது. அது காதலாக மாறி, கடந்த ஆண்டு வானபார்தியில் உள்ள 400 வருடம் பழமையான கோயிலில் இருவரும் திருமணம் செய்து கொண்டனர்.

அதிதி, ராஜ குடும்பத்தைச் சேர்ந்தவர் என்பதும் குறிப்பிடத்தக்கது.

இந்நிலையில், அவர் இன்று பிறந்தநாள் கொண்டாடும் வேளையில் வெளிவந்த தகவலின்படி, அதிதியின் மொத்த சொத்து மதிப்பு ரூ.70 கோடி என கூறப்படுகிறது. அவர் ஒரு திரைப்படத்துக்கு சுமார் 1 கோடி ரூபாய் வரை சம்பளம் பெறுகிறார்.

மேலும், சென்னை, ஹைதராபாத், மும்பை ஆகிய நகரங்களில் அவருக்கு சொகுசு பங்களாக்கள் உள்ளன. நடிப்புக்கு அப்பாற்பட்டும் ரியல் எஸ்டேட், ஆர்ட் ஒர்க் போன்ற துறைகளிலும் முதலீடு செய்து வருகிறார். அதேசமயம், அவரிடம் பல லக்ஷுரி கார்கள் இருப்பதாகவும் தகவல்.

சித்தார்த்தின் சொத்து மதிப்பையும் சேர்த்து பார்த்தால், இந்நடிகை தம்பதியரின் மொத்த சொத்து மதிப்பு 130 முதல் 140 கோடி ரூபாய் வரை இருப்பதாகக் கூறப்படுகிறது.

திரையுலகில் அழகும், திறமையும் இணைந்த அதிதி ராவ் — தற்போது கோலிவுட், பாலிவுட் இரண்டிலும் தன் தடத்தை மேலும் விரிவாக்கிக் கொண்டிருக்கிறார்.