தமிழ், தெலுங்கு, ஹிந்தி என மூன்று மொழிகளிலும் தனக்கென ரசிகர்களை உருவாக்கிய நடிகை தமன்னா பாட்டியா, தற்போது தனது முழு கவனத்தையும் பாலிவுட் துறையில் செலுத்தி வருகிறார். அங்குள்ள வாய்ப்புகளும், அதற்கேற்ற அதிக சம்பளமும் காரணமாக தற்போது ஹிந்தி திரைப்படங்களிலேயே அதிகம் பிசியாக உள்ளார்.

தமன்னா, தமிழில் கேடி படத்தில் வில்லன் கதாபாத்திரமாக அறிமுகமானாலும், அவருக்கு பெரும் புகழை பெற்றுத் தந்தது கல்லூரி திரைப்படம் தான். அதன் பிறகு அவரது காற்று தமிழ் திரையுலகில் பலமாக வீசியது. விஜய், சூர்யா, தனுஷ், கார்த்தி என முன்னணி ஹீரோக்களுடன் ஜோடி போட்டு நடித்தார்.

அவர் நடித்த கோ படத்தைப் பற்றி அந்தக்காலத்தில் ஒரு சுவாரஸ்ய தகவல் பரவியது — தமன்னா கதாநாயகியாக நடிக்கிறாரென்று அறிந்த சிம்பு, அந்தப்படத்திலிருந்து விலகினார் என்ற வதந்தி ரசிகர்களிடையே பேசப்பட்டது.

அவர் தமிழ் சினிமாவில் உயர்ந்த அளவுக்கு சென்றபோது, அவரைச் சுற்றி பல கிசுகிசுக்கள் உருவானது. பையா, சிறுத்தை போன்ற படங்களில் கார்த்தியுடன் ஜோடி போட்டு நடித்ததன் காரணமாக இருவரும் காதலில் உள்ளனர் என செய்திகள் பரவின. ஆனால் தமன்னா, எந்தவித உறவுமில்லையென தெளிவுபடுத்தி, தன் கவனத்தை முழுவதும் தொழிலில் செலுத்தினார்.

பின்னர் தெலுங்கிலும் நல்ல வெற்றி பெற்ற அவர், ஒரு கட்டத்தில் தமிழ் மற்றும் தெலுங்கு சினிமாவிலிருந்த வாய்ப்புகள் குறைந்ததால், தனது முழு கவனத்தையும் ஹிந்தி சினிமாவுக்கு திருப்பினார். அங்கு பல வெற்றிப் படங்களில் நடித்ததுடன், நடிகர் விஜய் வர்மாவுடன் காதலில் இருந்தார். ஆனால் சமீபத்தில் அவர்களின் உறவு பிரேக்க்அப்பில் முடிந்தது.

இந்நிலையில் தமன்னா சமீபத்தில் அளித்த பேட்டி ஒன்று தற்போது சமூக வலைதளங்களில் வைரலாகியுள்ளது. அதில் அவர் கூறியதாவது —

“நான் சினிமாவில் ஆரம்பித்த காலத்துக்கும் இப்போதைக்கும் பெரிய வித்தியாசம் உள்ளது. சினிமா நாளுக்கு நாள் வளர்ந்து கொண்டே இருக்கிறது. என் வாழ்நாள் முழுவதும் நடிகையாகவே இருக்க விரும்புகிறேன்.

30 வயதுவரை நடிப்பேன், பிறகு திருமணம் செய்து குழந்தைகள் பெற்றுக்கொள்வேன் என்று ஒருகாலத்தில் நினைத்தேன். ஆனால் வாழ்க்கை வேறுவிதமாக நடந்தது. 20களின் இறுதியில் இருந்தபோதும் நான் என் பாதையை கண்டுகொண்டேன்.

வயது என்பது ஒருபோதும் பயப்பட வேண்டிய விஷயம் இல்லை. பலர் வயதாவதை நோயாகப் பார்க்கிறார்கள். ஆனால் அது ஒரு அழகான மாற்றம். அதைக் கண்டு மகிழவேண்டும், பயப்பட வேண்டாம்.”

அவரது இந்த கருத்துக்கள் பல இளைய நடிகைகளுக்கும் இன்ஸ்பிரேஷனாக மாறியுள்ளன. தமன்னா தற்போது ஹிந்தியில் பல பெரிய தயாரிப்பாளர்களுடன் இணைந்து பணிபுரிந்து வருகிறார்.

திரையுலகில் தன்னம்பிக்கை, திறமை, அழகு — மூன்றையும் இணைத்து தன் பயணத்தை தொடரும் தமன்னாவின் இந்த பேட்டி, ரசிகர்கள் மத்தியில் பெரும் வரவேற்பைப் பெற்றுள்ளது.