நடிகர் விஜய்யின் கோட் திரைப்பட ட்ரெய்லர் இன்று மாலை 5 மணிக்கு வெளியாகிறது!

வெங்கட் பிரபு இயக்கத்தில் நடிகர் விஜய் நடிக்கும் படம் 'The Greatest Of All Time' (GOAT). நடிகர் விஜயின் இந்த 68 ஆவது திரைப்படதிற்கு இந்திய அளவில் ஒரு பெரும் எதிர்பார்ப்பு ஏற்பட்டுள்ளது.

இதற்க்கு முக்கிய காரணம் நடிகர் விஜய், 69 ஆவது படத்தில் நடித்து விட்டு, திரைத் துறையை விட்டு விலகப் போவதாக அறிவித்திருந்ததுதான்.

கடந்த பிப்ரவரி மாதமே அரசியல் கட்சியை தொடங்கிய நடிகர் விஜய், 69 ஆவது படத்திற்கு பிறகு முழு நேர அரசியலில் இறங்கப் போவதாகவும் அறிவித்துள்ளார்.

2026 சட்டமன்றத் தேர்தலில் போட்டியிட தேவையான அணைத்து நடவடிக்கைகளையும் கட்சியின் பொதுச்செயலாளர் ஆனந்த் செய்து வரும் நிலையில், விரைவில் கட்சியின் கோடி மற்றும முதல் மாநாடு குறித்த அறிவிப்பு வெளியாக உள்ளது.

இந்நிலையில். நடிகர் விஜய்யின் கோட் திரைப்பட ட்ரெய்லர் இன்று மாலை 5 மணிக்கு வெளியாக உள்ளதாக அதிகாரபூர்வமாக அறிவிக்கப்பட்டுள்ளது.

ஏற்கனவே, GOAT படத்தில் பாடல்கள் வெளியாகி பெரும் வரவேற்பை பெற்றுள்ளன. GOAT படம் டைம் மிஷின் சம்மந்தமான திரைப்படம் என்றும் சொல்லப்படும் நிலையில், இன்று மாலை வெளியாகும் டிரைலர் பெரும் எதிர்பார்ப்பை ஏற்படுத்தியுள்ளது.