விடுதலை 2 படத்திற்கு ஏ சான்றிதழ் - தணிக்கை குழு அதிரடி அறிவிப்பு.!
a certificate to viduthalai 2 movie
தமிழ் சினிமாவின் முன்னணி இயக்குனர் வெற்றிமாறன் இயக்கத்தில் கடந்த ஆண்டு வெளியான திரைப்படம் 'விடுதலை'. இதில் நடிகர் சூரி கதாநாயகனாக நடித்துள்ளார். இந்த படம் ரசிகர்கள் மத்தியில் வசூல் ரீதியாகவும் விமர்சன ரீதியாகவும் நல்ல வரவேற்பை பெற்றது.
இந்த படத்தின் வெற்றியை தொடர்ந்து இதன் இரண்டாவது பாகம் உருவாகியுள்ளது. இந்தப் படத்தில் நடிகர் சூரி, விஜய் சேதுபதி ஆகியோருடன் இணைந்து பிரகாஷ்ராஜ், சேத்தன், மூணார் ரமேஷ், பவானிஶ்ரீ, இளவரசு, பாலாஜி சக்திவேல், மஞ்சுவாரியர், கிஷோர், போஸ் வெங்கட் உள்ளிட்ட முன்னணி நடிகர்கள் நடிக்கின்றனர்.
இசைஞானி இளையராஜா இசையமைத்துள்ள இந்த படத்தின் படப்பிடிப்பு பணிகள் நிறைவடைந்துள்ள நிலையில், விடுதலை 2 படம் வருகிற 20-ந் தேதி வெளியாக உள்ளது. சமீபத்தில் இந்தப்படத்தின் இசை, டிரெய்லர் வெளியீடு விழா நடைபெற்றது.
இதையடுத்து படக்குழு 'விடுதலை 2' படத்தின் மேக்கிங் வீடியோவை வெளியிட்டது. இந்த நிலையில், விடுதலை 2 படத்திற்கு தணிக்கை குழு 'ஏ' சான்றிதழ் வழங்கியுள்ளதாகத் தகவல் வெளியாகியுள்ளது. இதற்கு முன்பு வெளியான விடுதலை முதல் பாகத்திற்கும் 'ஏ' சான்றிதழ் கிடைத்திருந்தது குறிப்பிடத்தக்கது.
English Summary
a certificate to viduthalai 2 movie