சுசூகி நிறுவனம் தனது பிரபலமான அக்சஸ் ஸ்கூட்டரின் புதிய CNG/CBG ஹைபிரிட் பதிப்பை அறிமுகப்படுத்தி ஆட்டோமொபைல் உலகில் புதிய பரிணாமத்தை தொடங்கியுள்ளது. பெட்ரோல், மின்சாரம் போன்ற எரிபொருள் முறைகளுக்குப் பிறகு, தற்போது பசுமை எரிபொருள் (Green Fuel) வழியில் முன்னேறும் முயற்சியாக இதை சுசூகி கொண்டு வந்துள்ளது.

இந்த Access ஹைபிரிட் ஸ்கூட்டர் பெட்ரோல் மற்றும் CNG/CBG இரண்டிலும் இயங்கக்கூடியது. முழுமையாக எரிபொருள் நிரப்பப்பட்ட நிலையில், இந்த ஸ்கூட்டர் சுமார் 170 கிலோமீட்டர் வரை மைலேஜ் வழங்கும் என தெரிவிக்கப்பட்டுள்ளது. இதனால், மைலேஜ் மற்றும் பராமரிப்பு செலவில் பெரிய சேமிப்பு கிடைக்கும்.

ஜப்பானில் நடைபெற்ற Japan Mobility Show 2025 நிகழ்ச்சியில் சுசூகி, Access-In CNG என்ற பெயரில் இந்த மாடலை வெளிப்படுத்தியது. இது CNG மட்டுமன்றி, CBG (Compressed Bio-Methane Gas) என்ற பசுமை எரிபொருளிலும் இயங்கும் திறன் பெற்றது. இதனால், இந்தியாவில் முதல் டூயல் காஸ் ஸ்கூட்டராக இது வரலாறு படைக்கும் வாய்ப்பு அதிகம்.

பொதுவான Access மாடலின் வடிவமைப்பை இது தொடர்ந்து கொண்டுள்ளது. ஆனால் பச்சை நிற ஸ்டிக்கர்கள், Eco-Friendly சின்னங்கள் போன்றவை புதிய அடையாளங்களாக இடம்பெற்றுள்ளன.

இருக்கையின் கீழ் CNG/CBG டேங்க் (6 லிட்டர் கொள்ளளவு) பொருத்தப்பட்டுள்ளது.கூடுதலாக, 2 லிட்டர் பெட்ரோல் டேங்கும் வழங்கப்பட்டுள்ளது.இரண்டு டேங்குகளிலும் நிரப்பினால், 170 கி.மீ. வரை பயணிக்க முடியும்.

சுசூகி Access ஹைபிரிட் மாடல் 124cc இன்ஜின் உடன் வருகிறது. இது 8.4PS பவர் மற்றும் 10.2Nm டார்க் வழங்கும். ஆனால் வாயு அமைப்புகளின் காரணமாக, ஸ்கூட்டரின் எடை சாதாரண பெட்ரோல் மாடலைவிட சுமார் 10% அதிகம் ஆகும் (பெட்ரோல் மாடல் – 106 kg). இதனால் வேகத்தில் சிறிய மாற்றம் இருக்கலாம்.

தற்போது TVS Jupiter CNG மாடல் சோதனை நிலையில் உள்ளது. ஆனால் CNG + CBG இணைப்பு கொண்ட ஹைபிரிட் மாடலை சுசூகி முதன்முதலாக கொண்டு வந்திருப்பது, இந்திய ஸ்கூட்டர் மார்க்கெட்டில் புதிய போட்டி நிலையை உருவாக்கியுள்ளது.

சுசூகி Access CNG/CBG ஹைபிரிட் மாடலின் இந்திய வெளியீட்டு தேதி மற்றும் விலை பற்றிய அதிகாரப்பூர்வ தகவல்கள் இன்னும் அறிவிக்கப்படவில்லை. ஆனால் நிபுணர்கள் கணிப்பின்படி, இது 2025 ஆம் ஆண்டு நடுப்பகுதியில் இந்தியாவில் அறிமுகமாகும் என எதிர்பார்க்கப்படுகிறது.