கடந்த 12-ந்தேதி முதல் தங்க சந்தை கணிக்க முடியாத வேகத்தில் பாய்ந்து வருகிறது. சில நாட்களுக்கு முன் சவரனுக்கு ரூ.1,160 என்ற அதிரடி உயர்வை பதிவு செய்து, தங்கம் இதுவரை இல்லாத உச்சத்தைத் தொட்டது.

அந்த நாளில் ஒரு சவரன் ரூ.1 லட்சத்து 120 என்ற அளவுக்கு விற்பனை செய்யப்பட்டு நகை வாங்குவோரைக் கவலையடையச் செய்தது.அதன்பிறகு சில நாட்கள் ஏற்றமும் இறக்கமும் மாறிமாறி நடந்தாலும், தங்கத்தின் ஏற்றப் பயணம் நிற்கவில்லை.

நேற்று முன்தினம் மட்டும் கிராமுக்கு ரூ.20, சவரனுக்கு ரூ.160 உயர்ந்து, ஒரு கிராம் ரூ.12,400-க்கும், ஒரு சவரன் ரூ.99,200-க்கும் விற்பனையானது.

இந்த நிலையில், இன்று மீண்டும் தங்கம் விலை திடீர் பாய்ச்சலை கண்டுள்ளது. சென்னையில் 22 கேரட் ஆபரணத் தங்கம் சவரனுக்கு ரூ.640 உயர்ந்து, ஒரு சவரன் ரூ.99,840 என்ற அளவில் விற்பனை செய்யப்படுகிறது.

அதேபோல், கிராமுக்கு ரூ.80 உயர்ந்து, ஒரு கிராம் ரூ.12,480-க்கு விற்கப்படுகிறது.தங்கத்துடன் போட்டி போடுவது போல, வெள்ளி விலையும் தினமும் புதிய சாதனைகளை படைத்து வருகிறது.

இன்று வெள்ளி விலை கிராமுக்கு ரூ.5, கிலோவுக்கு ரூ.5,000 உயர்ந்து, ஒரு கிராம் ரூ.231-க்கும், ஒரு கிலோ ரூ.2 லட்சத்து 31 ஆயிரத்துக்கும் விற்பனையாகி வருகிறது. இதன் மூலம் வெள்ளி விலை மீண்டும் வரலாறு காணாத புதிய உச்சத்தை தொட்டுள்ளது.

நகை வாங்க திட்டமிட்டிருப்பவர்களும், முதலீட்டாளர்களும் விலை ஏற்றத்தை கவனமாக கண்காணித்து வருகின்றனர்.