மாருதி சுசூகி இந்தியா லிமிடெட், அக்டோபர் மாதத்திற்கான சிறப்பு தள்ளுபடி அறிவிப்பை வெளியிட்டு ஆட்டோ சந்தையில் பெரும் அதிர்வை ஏற்படுத்தியுள்ளது. நெக்ஸா டீலர்ஷிப்கள் மூலம் விற்கப்படும் பிரீமியம் எஸ்யூவி – கிராண்ட் விட்டாரா, தற்போது ரூ. 1.80 லட்சம் வரை தள்ளுபடி சலுகையுடன் கிடைக்கிறது!

 குறிப்பாக, ஸ்ட்ராங் ஹைப்ரிட் வேரியன்ட் வாங்குபவர்களுக்கு ரூ.1.80 லட்சம் வரை சலுகை வழங்கப்படுகிறதாம். அதேசமயம் பெட்ரோல் வேரியன்ட்களுக்கு நீட்டிக்கப்பட்ட வாரண்டியுடன் ரூ.1.50 லட்சம் வரை தள்ளுபடி கிடைக்கிறது. சிஎன்ஜி மாடல்களுக்கு கூட ரூ.40,000 வரை சலுகைகள் வழங்கப்படுகின்றன.

 தற்போது கிராண்ட் விட்டாராவின் புதிய எக்ஸ்-ஷோரூம் விலை ரூ.10.76 லட்சம் முதல் துவங்குகிறது. மாருதி மற்றும் டொயோட்டா இணைந்து உருவாக்கிய இந்த எஸ்யூவி, ஹைரைடர் மாடலைப் போலவே ஒரு மைல்ட்-ஹைப்ரிட் பவர்டிரெய்னுடன் வருகிறது.

 இதன் 1462cc K15 இன்ஜின் 100 பிஹெச்பி பவரையும், 135 என்எம் டார்க்கையும் உற்பத்தி செய்கிறது. 5-ஸ்பீடு மேனுவல் மற்றும் 6-ஸ்பீடு ஆட்டோமேட்டிக் கியர்பாக்ஸ் விருப்பங்களுடன் கிடைக்கிறது. மேலும், AWD ஆப்ஷனுடன் வரும் ஒரே இன்ஜின் மாடல் இதுவாகும்.

 மைலேஜ் விஷயத்தில் இதுவே சாம்பியன்! ஸ்ட்ராங் ஹைப்ரிட் வேரியன்ட் லிட்டருக்கு 27.97 கிமீ வரை மைலேஜ் தரும் என மாருதி கூறுகிறது. முழு டேங்கில் 1200 கிமீ வரை பயணம் செய்ய முடியும்.

 கிராண்ட் விட்டாரா ஒரு ஹைப்ரிட் எஸ்யூவி என்பதால், இதில் பெட்ரோல் இன்ஜினும் எலக்ட்ரிக் மோட்டாரும் இணைந்து வேலை செய்கின்றன. கார் ஓடும் போது பேட்டரி தானாகவே சார்ஜ் ஆகி, தேவையானபோது கூடுதல் சக்தியை வழங்குகிறது. இதிலுள்ள EV மோடில், கார் முழுவதும் மின்சாரத்தில் இயங்கும் – அது முற்றிலும் அமைதியான டிரைவிங் அனுபவத்தை வழங்கும்.

வசதிகளிலும் விட்டாரா வித்தியாசம் காட்டுகிறது! பனோரமிக் சன்ரூஃப், வயர்லெஸ் சார்ஜிங், வென்டிலேட்டட் சீட்கள், ஆட்டோ கிளைமேட் கண்ட்ரோல், 360 டிகிரி கேமரா, டயர் பிரஷர் மானிட்டர், டிஜிட்டல் இன்ஸ்ட்ரூமென்ட் கிளஸ்டர் என நவீன அம்சங்களால் நிரம்பியுள்ளது.

பாதுகாப்பு அம்சங்களாக மல்டிபிள் ஏர்பேக்குகள், ABS, EBD, ESC, ஹில் ஹோல்ட் அசிஸ்ட், ஸ்பீடு அலெர்ட், சீட் பெல்ட் ரிமைண்டர்கள் மற்றும் 360° பார்கிங் கேமரா போன்றவை வழங்கப்படுகின்றன.

 ஆனால் கவனிக்க வேண்டியது என்னவெனில் – இந்த தள்ளுபடிகள் நகரம், மாநிலம், வேரியன்ட், நிறம் மற்றும் டீலர்ஷிப் ஸ்டாக் ஆகியவற்றைப் பொறுத்து மாறுபடும். எனவே, காரை வாங்குவதற்கு முன், உங்கள் அருகிலுள்ள நெக்ஸா டீலரை நேரடியாக தொடர்பு கொண்டு சரியான சலுகை விவரங்களை உறுதி செய்துகொள்ளுங்கள்.