தமிழ் திரையுலகின் பிரபலமான மற்றும் ரசிகர்கள் மனதில் தனித்த இடம் பிடித்த நடிகர் சிவகார்த்திகேயன், அண்மையில் வெளியான ‘மதராஸி’ திரைப்படத்தின் மூலம் மீண்டும் திரை உலகில் வெற்றி குரல் எழுப்பியுள்ளார். மேலும், இயக்குநர் ஏ.ஆர். முருகதாஸ் இயக்கிய இந்த படம் பாக்ஸ் ஆபிஸில் நல்ல வரவேற்பைப் பெற்று, அவரது கேரியரில் இன்னொரு முக்கியமான மைல்கல்லாக அமைந்துள்ளது.

இப்போது, சிவகார்த்திகேயன் தனது அடுத்த படமான பராசக்தி -யில் முழு வேகத்தில் பணிபுரிந்து வருகிறார். சுதா கொங்கரா இயக்கும் இந்தப் படம் வரும் பொங்கல் பண்டிகைக்கு வெளியாவதாக ரசிகர்கள் ஆவலுடன் காத்திருக்கின்றனர்.அதற்குப் பிறகு, வெங்கட் பிரபு இயக்கத்தில் நடிக்கவிருக்கும் சிவகார்த்திகேயன், அதோடு ‘டான்’ படத்தின் இயக்குநர் சிபி சக்கரவர்த்தியின் புதிய படத்திலும் களம் இறங்கவிருக்கிறார்.

இந்தப்படத்தில், அவருக்கு ஜோடியாக தற்போது தமிழ் ரசிகர்கள் மனதை கொள்ளை கொள்ளும் ஸ்ரீலீலா நடிக்கவுள்ளதாக தகவல்கள் தெரிவிக்கின்றன. மேலும், விரைவில் இதுகுறித்து அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.

இதில் சுவாரஸ்யமாக, இதே கதாபாத்திரத்துக்கு முதலில் ராஷ்மிகா மந்தனாவை அணுகியிருந்ததாகவும், பின்னர் தயாரிப்பு அணியினர் ஸ்ரீலீலாவை தேர்ந்தெடுத்ததாகவும் தெரிவிக்கப்படுகிறது.