உக்ரைன் போர்: ரஷிய ராணுவத்தில் பலியான 2 இந்தியர்களின் உடல்கள் தாயகம் திரும்பின!

உக்ரைன் உடனான போரில் ரஷிய ராணுவத்தில் கட்டாயமாகச் சேர்க்கப்பட்டுப் பணியாற்றிய ராஜஸ்தானைச் சேர்ந்த அஜய் கோதர் (22) மற்றும் உத்தரகண்டின் ராகேஷ் குமார் (30) ஆகியோரின் உடல்கள் கடந்த புதன்கிழமை இந்தியா வந்தடைந்தன.

போலி வாக்குறுதி - கட்டாயப் பணி:
ஓராண்டிற்கு முன்பு மாணவர் விசாவில் ரஷியா சென்ற இவர்களுக்கு, போலி வேலைவாய்ப்பு வாக்குறுதி அளிக்கப்பட்டு ரஷிய ராணுவத்தில் வலுக்கட்டாயமாகச் சேர்க்கப்பட்டுள்ளனர். முறையான பயிற்சியின்றிப் போர்க்களத்திற்கு அனுப்பப்பட்ட இவர்கள், சண்டையின் போது உயிரிழந்தனர்.

மாநிலங்களவையில் அதிர்ச்சித் தகவல்:
வெளியுறவுத்துறை இணையமைச்சர் கீர்த்தி வர்தன் சிங் நேற்று மாநிலங்களவையில் அளித்த பதிலில்:

ரஷிய ராணுவத்தில் பணியாற்றிய 26 இந்தியர்கள் இதுவரை உயிரிழந்துள்ளனர்.

7 பேர் அதிகாரப்பூர்வமாகக் காணாமல் போயுள்ளனர் (செப்டம்பர் முதல் மட்டும் 59 பேர் குறித்த தகவல் இல்லை எனப் புகார்கள் எழுந்துள்ளன).