அமெரிக்காவின் கலிபோர்னியா மாநிலம் ஸ்டாக்டன் நகரில் உள்ள லூசைல் அவென்யூ பகுதி நேற்று மாலை 6 மணிக்கு ரெஸ்டாரென்ட் சூழலைப் போல்உற்சாகமாக இருந்தது. குடும்ப விருந்து குழந்தைகள் சிரிப்பு, பெரியவர்கள் உரையாடல் என அமைதியான கொண்டாட்டம் ஓயாமல் ஓடிக்கொண்டிருந்தது.

அந்த தருணத்தையே கிழித்து, திடீரென துப்பாக்கி சத்தம் காற்றை வெட்டியது. கணநேரத்தில் கலாட்டா குரல் அலறலாக மாறி, விருந்தினர் உயிர் பிழைக்க ஓடி சிதறினர்.

ரத்தம் கலந்த அந்த அவசரத்திலும் தப்பிச் செல்வதற்குள் 4 பேர் உயிரிழந்தனர்; 10 பேர் பலத்த காயங்களுடன் தரைதட்டினர்.

காயமடைந்தவர்களில் பலர் இளம் வயதினர் என்பது மேலும் கவலையை அதிகரிக்கிறது.இந்த திடீர் கொலைவெறி தாக்குதல் ஏதோ முன்கூட்டியே திட்டமிடப்பட்டிருக்கலாம் என்ற சந்தேகத்தை விசாரணை அதிகாரிகள் வெளிப்படுத்தினாலும், குற்றவாளி யார்? எதற்காக?என்ற கேள்விகளுக்கு இன்னும் பதில் கிடைக்கவில்லை.

இதுவரை எந்த சந்தேக நபரும் அடையாளம் காணப்படவோ கைது செய்யப்படவோ இல்லை.இந்த சம்பவத்துக்குப் பிறகு FBI மற்றும் மதுபானம்–புகையிலை–வெடிபொருள் கண்காணிப்பு அதிகாரிகள் சம்பவஸ்தலத்தில் தீவிர ஆய்வில் இறங்கினர். நிலைமை பற்றிய முழு தகவலும் கலிபோர்னியா கவர்னர் கேவின் நியூசோமிடம் அளிக்கப்பட்டுள்ளது.