அமெரிக்காவின் அலபாமா மாநிலத்தைச் சேர்ந்த ஜேசன் ஹட்சன் என்ற 48 வயதுடைய நபர்,  சிறுமிகளின் ஆபாசப் படங்களைப் இணையத்தில் பதிவேற்றியுள்ளார். இது தொடர்பாகக் குழந்தைகள் நல அமைப்பு புகார் அளித்துள்ளது. குறித்த குராரின் அடிப்படையில், நடைபெற்ற விசாரணை திடுக்கிடும் தகவல் வெளியாகியுள்ளது.

அதாவது குறித்த நபர், 02 வயதுக்கு உட்பட்ட பச்சிளம் குழந்தைகள் என்றும் பாராமல் அவர்களைச் சவுக்கால் அடித்தும், நெருப்பாலும் சுட்டும்  சித்ரவதை செய்துள்ளதோடு,  பாலியல் வன்கொடுமை செய்துள்ளமை தெரிய வந்துள்ளது.

அத்துடன், இந்தக் கொடூரச் செயல்களை அவர் வீடியோவாகப் பதிவு செய்து வைத்திருந்ததோடு, ஆயிரக்கணக்கான ஆபாசப் படங்கள் அவரிடமிருந்து கைப்பற்றப்பட்டதும் விசாரணையில் உறுதி செய்யப்பட்டுள்ளது. மேலும், தனது சொந்தக் குழந்தையையே அவர் பாலியல் ரீதியாகத் துன்புறுத்தி உள்ளமை பெரும் அதிர்ச்சியை ஏற்படுத்தியுள்ளது. இந்த வழக்கில் அவருக்கு எதிராக 84 குற்றச்சாட்டுகள் நிரூபிக்கப்பட்டுள்ள நிலையில், அண்மையில் ஆருக்கு எதிராக தீர்ப்பு வழங்கப்பட்டது.

அதாவது, கற்பழிப்பு, இயற்கைக்கு மாறான பாலியல் உறவு மற்றும் குழந்தைகளைத் துன்புறுத்தியது உள்ளிட்ட குற்றங்களுக்காக நீதிபதி அமண்டா பாக்ஸ்லி அவருக்கு மொத்தம் 965 ஆண்டுகள் சிறைத்தண்டனை விதித்துத் தீர்ப்பளித்துள்ளார். 

இதில் பாதிக்கப்பட்ட பெண் ஒருவர் நீதிமன்றத்தில் பேசும் போது கூறியதாவது:  ‘அவன் ஒரு அரக்கன்; இனி அவன் என் வாழ்க்கையில் தலையிட முடியாது’ என்று தெரிவித்துள்ளார்.  இந்தக் கொடூரச் செயலுக்கு உடந்தையாக இருந்த ஜேசனின் மனைவி ஃபாரென் ஜில் ஹட்சனுக்கும் 30 ஆண்டுகள் சிறைத்தண்டனை விதிக்கப்பட்டுள்ளமை குறிப்பிடத்தக்கது.