கத்தோலிக்க திருச்சபையின் 267-வது பாப்பரசராக அமெரிக்க கார்டினல் ராபர்ட் ஃபிரான்சிஸ் பிரெவோஸ்ட் (Robert Francis Prevost) தேர்ந்தெடுக்கப்பட்டுள்ளார். அத்துடன் அவர் "லியோ XIV" (Leo XIV) என்ற பெயரை எடுத்துக்கொண்டுள்ளார். கத்தோலிக்க திருச்சபையின் 2,000 ஆண்டுகளுக்கும் மேலான வரலாற்றில் முதல் முறையாக ஒரு அமெரிக்கர் பாப்பரசராக தேர்ந்தெடுக்கப்பட்டுள்ளார்.

2025 மே-08 அன்று, இரண்டாவது நாளில் நடைபெற்ற நான்காவது வாக்கெடுப்பின் பின்னர், சிஸ்டின் சேபலில் இருந்து வெள்ளை புகை வெளியேறியது. இது புதிய பாப்பரசர் தேர்ந்தெடுக்கப்பட்டதை குறிப்பதாகும், அதன் படி, புனித பீட்டர் பேராலயத்தின் மையத் தளத்தில் "Habemus Papam!" (எங்களுக்கு ஒரு பாப்பரசர் இருக்கிறார்!) என்ற அறிவிப்புடன், புதிய பாப்பரசர் அறிமுகப்படுத்தப்பட்டார்.

69 வயதான லியோ XIV, சிகாகோவில் பிறந்தவர். பெருவில் மிஷனரி பணியில் ஈடுபட்டிருந்த இவர், வத்திகானில் முக்கியமான பிஷப்புகள் நியமனத்திற்கான அலுவலகத்தை தலைமைத்துவம் செய்துள்ளார்.

லியோ XIV திருச்சபையின் உள்ளக மற்றும் வெளி சவால்களை சமாளிக்க, ஒருங்கிணைந்த மற்றும் அமைதியான வழிகாட்டியாக கருதப்படும் புதிய பாப்பரசர் லியோ XIV, திருச்சபையின் முன்னோக்கி பயணத்தைத் தொடர்வதற்கான முக்கிய பொறுப்பை ஏற்கிறார். அவரது வழிகாட்டுதலின் கீழ், திருச்சபை எதிர்காலத்தில் மேலும் பல மாற்றங்களை எதிர்பார்க்கலாம் என நம்பிக்கை வெளியிடப்பட்டுள்ளது.

( @realDonaldTrump - Truth Social Post )
( Donald J. Trump - May 08, 2025, 1:25 PM ET )

Congratulations to Cardinal Robert Francis Prevost, who was just named Pope. It is such an honor to realize that he is the first American Pope. What excitement, and what a Great Honor for our… pic.twitter.com/Si0GsyGdcE

— Donald J. Trump 🇺🇸 TRUTH POSTS (@TruthTrumpPosts) May 8, 2025

இந்நிலையில், உலக கத்தோலிக்க திருச்சபையின் புதிய பாப்பரசராக அமெரிக்க கர்தினால் ரொபர்ட் பிரான்சிஸ் பிரீவோஸ்ட் தெரிவு செய்யப்பட்டமைக்கு அமெரிக்க ஜனாதிபதி டொனால்ட் ட்ரம்ப் வாழ்த்துக்களை தெரிவித்துள்ளார். 

இது தொடர்பில் தனது உத்தியோகபூர்வ எக்ஸ் தளத்தில் அவர் பதிவில் கூறியுள்ளதாவது:- "பாப்பரசராக செய்யப்பட்ட கர்தினால் ரொபர்ட் பிரான்சிஸ் பிரீவோஸ்டுக்கு வாழ்த்துக்கள். அவர் முதல் அமெரிக்க பாப்பரசர் என்பதை உணர மிகவும் பெருமையாக இருக்கிறது.

என்ன ஒரு உற்சாகம், நம் நாட்டிற்கு எவ்வளவு பெரிய மரியாதை. பாப்பரசர் லியோ XIV ஐ சந்திக்க ஆவலுடன் காத்திருக்கிறேன். இது மிகவும் அர்த்தமுள்ள தருணமாக இருக்கும்” என குறிப்பிட்டுள்ளார்.