62 வயதில் காதலியை கரம் பிடித்த ஆஸ்திரேலிய பிரதமர் அந்தோனி அல்பானீஸ்..!

ஆஸ்திரேலிய பிரதமர் மற்றும் தொழிலாளர் கட்சியின் தலைவர் அந்தோனி அல்பானீஸ், கடந்த 2022-ஆம் ஆண்டு முதல் நாட்டின் பிரதமராக பதவி வகித்து வருகிறார். இவர் தன்னுடைய நீண்ட நாள் காதலியான ஜோடி ஹேடன்,(46) என்பவரை இன்று திருமணம் செய்து கொண்டார். 76 வயதான அந்தோனி அல்பானீஸ், ஆஸ்திரேலிய வரலாற்றில் உயர் பதவியில் இருக்கும் ஒருவர் அதுவும் பதவிக்காலத்தில் திருமணம் செய்து கொள்வது இதுவே முதல்முறையாகும்.

கடந்த ஆண்டு காதலர் தினத்தன்று ஜோடி ஹேடனிடம் பிரதமர் அந்தோனி அல்பானீஸ் காதலை தெரிவித்துள்ளார். இதையடுத்து, இன்று தி லாட்ஜில் அமைந்துள்ள பிரதமர் குடியிருப்பில் இருவரும் திருமணம் செய்து கொண்டுள்ளனர். இருவரின் நெருங்கிய உறவினர்கள் மட்டுமே இந்த திருமண நிகழ்ச்சியில் கலந்து கொண்டனர்.

62 வயதான அந்தோனி அல்பானீஸ், முன்னதாக 2019-ஆம் ஆண்டு தனது முதல் மனைவி கார்மெல் தெபூட் என்பவரை விவாக ரத்து செய்தார். இந்நிலையில் இன்று இரண்டாவதாக திருமணம் செய்துள்ள ஜோடி ஹேடன் நிதித்துறையில் நிபுணத்துவம் பெற்றவர். மேலும், பெண்களுக்கான வழக்கறிஞராகவும் உள்ளார்.