கடந்த 2023-ஆம் ஆண்டு அக்​டோபர் முதல் சுமார் இரண்டு ஆண்டுகளாக இஸ்​ரேல்-காசா​வின் ஹமாஸ் குழு​வினர் இடையே போர் நடை​பெற்று வந்​தது. குறித்த போரை முடிவுக்கு கொண்டுவர அமெரிக்க அதிபர் டொனால்டு ட்ரம்ப் கடும் முயற்சி செய்தார்.

இதன் பலனாக இருதரப்​பினர் இடையே எகிப்​தில் அமை​திப் பேச்​சு​வார்த்தை நடை​பெற்​றது. இதனையடுத்து கடந்த 09-ஆம் தேதி இரு தரப்பு இடையே போர் நிறுத்த ஒப்​பந்​தம் கையெழுத்​தாக்கியுள்ளது. போர் நிறுத்தத்திற்கு இஸ்​ரேல் அமைச்​சரவை ஒப்​புதல் அளித்த பிறகு கடந்த 10-ஆம் தேதி காசா​வில் போர் நிறுத்​தம் அமலுக்கு வந்துள்ளது.

இந்த அமைதி ஒப்​பந்​தத்​தின்​படி ஹமாஸ் பிடி​யில் உள்ள இஸ்​ரேலிய பிணைக்கை​தி​கள் 72 மணி நேரத்​தில் விடுக்​கப்பட வேண்​டும். இந்த சூழலில் அமெரிக்​கா, எகிப்​து, கத்​தார், துருக்​கி, ஐக்​கிய அரபு அமீரகம் ஆகிய நாடு​களை சேர்ந்த ராணுவ அதி​காரி​கள், வீரர்​கள் காசா​வில் முகாமிட்டு போர் நிறுத்​தத்தை கண்​காணிக்க உள்​ளனர். 

அதற்காக அமெரிக்​கா​வின் சார்​பில் 200 வீரர்​கள் காசாவுக்கு அனுப்​பப்படவுள்​ளனர். அமெரிக்க ராணுவத்​தின் முதல் குழு நேற்று இஸ்​ரேலின் டெல் அவிவ் நகருக்கு சென்றுள்ளதாக கூறப்படுகிறது. குறித்த குழு அங்​கிருந்து காசா எல்​லைப் பகு​திக்கு சென்​றுள்ளனர். இந்த வார இறு​திக்​குள் 200 அமெரிக்க வீரர்​கள் இஸ்​ரேலுக்கு வரு​வார்​கள் என்று எதிர்​பார்க்​கப்​படு​கிறது. அத்துடன், அவர்​கள் காசா​வில் முகாமிட்டு போர் நிறுத்​தத்தை முழு​மை​யாக கண்​காணிக்கவுள்ளதாக தெரிவிக்கப்படுகிறது.