சென்னை வானிலை ஆய்வு மையம் வெளியிட்டுள்ள சமீபத்திய அறிக்கையின் படி, வானிலை அமைப்பில் முக்கிய மாற்றங்கள் பதிவாகியுள்ளன. சுமார் 0.9 கிலோமீட்டர் உயரத்தில், ஒடிசா உள்பகுதிகளில் தொடங்கி மன்னார் வளைகுடா வரை தெற்கு சத்தீஸ்கர், தெலங்கானா, ராயலசீமா மற்றும் உள் தமிழகத்தை கடந்து செல்லும் வளிமண்டல காற்றழுத்த தாழ்வு பாதை நிலவி வருகிறது.

இதனுடன் வடக்கு தமிழகத்தை ஒட்டிய பகுதிகளின் மேல் கீழடுக்கு வளிமண்டல சுழற்சியும் உருவாகியுள்ளது என தெரிவிக்கப்படுகின்றது.ஏப்ரல் 10-ம் தேதி மேற்கு தொடர்ச்சி மலை மாவட்டங்கள் மற்றும் அதனைச் சுற்றியுள்ள பகுதிகளில் இடியுடன் கூடிய லேசானது முதல் மிதமான மழை பெய்ய வாய்ப்புள்ளது.

இதே நேரத்தில், தமிழகத்தின் பிற பகுதிகள், புதுவை மற்றும் காரைக்கால் பகுதிகளிலும் சில இடங்களில் லேசான மழை தென்படக்கூடும் என தெரிவிக்கப்படுகின்றது.ஏப்ரல் 11-ம் தேதி மேற்கு தொடர்ச்சி மலை பகுதிகளில் மட்டும் மிதமான மழை நீடிக்கக்கூடும். ஆனால் மாநிலத்தின் மற்ற பகுதிகளில் வறண்ட வானிலை மேலோங்கும் சூழல் காணப்படும் என தெரிவிக்கப்படுகின்றது.

ஏப்ரல் 12-ம் தேதி தென் தமிழகமும் மேற்கு தொடர்ச்சி மலைக்கு அருகிலுள்ள பகுதிகளிலும் சில இடங்களில் லேசான மழை பெய்யக்கூடும். மற்ற பகுதிகளில் வறண்ட வானிலை தொடரும் என தெரிவிக்கப்படுகின்றது.வெப்பநிலை குறித்து பார்க்கும்போது, ஏப்ரல் 10 முதல் 14 வரை தமிழகத்தில் பல இடங்களில் அதிகபட்ச வெப்பநிலை படிப்படியாக 2 முதல் 3 டிகிரி செல்சியஸ் வரை அதிகரிக்கக்கூடும்.

குறிப்பாக உள் தமிழகப் பகுதிகளில் இந்த உயர்வு இயல்பை விட அதிகமாக இருக்கும் என தெரிவிக்கப்படுகின்றது.மேலும், ஏப்ரல் 10 முதல் 12 வரை கடலோர பகுதிகளில் அதிக வெப்பநிலையுடன் கூடிய ஈரப்பதம் நிலவும் காரணத்தால், பொதுமக்களுக்கு சற்று அசௌகரியம் ஏற்படும் சூழல் உருவாகக்கூடும் என தெரிவிக்கப்படுகின்றது.

சென்னை மற்றும் அதன் புறநகர் பகுதிகளில் இன்று மற்றும் நாளை வானம் ஓரளவு மேகமூட்டத்துடன் காணப்படும். நகரின் சில பகுதிகளில் லேசான மழை பெய்ய வாய்ப்பு உள்ளது. அதிகபட்ச வெப்பநிலை 37 முதல் 38 டிகிரி செல்சியஸ் வரைவும், குறைந்தபட்சம் 28 டிகிரி செல்சியஸ் வரைவும் இருக்கும் என தெரிவிக்கப்படுகின்றது.