மக்களே உஷார்!!! 36 மணிநேரத்தில் காற்றழுத்த தாழ்வு மண்டலமாக வலுபெறும்...! - இந்திய வானிலை ஆய்வு மையம்

கேரளாவில் தென்மேற்கு பருவமழை முன்னதாகவே தொடங்க இருப்பதாக செய்தி வெளிவந்த நிலையில், அடுத்த 4 அல்லது 5 நாட்களில் தொடங்க வாய்ப்புள்ளது என தெரியவந்துள்ளது.

இதில் சென்னை வானிலை ஆய்வு மையம், தமிழகத்தில் அடுத்த 5 நாட்களுக்கு ஒருசில இடங்களில் இடி, மின்னலுடன் கூடிய மழை பெய்யும் என்று தெரிவித்துள்ளது.

இந்நிலையில் இந்திய வானிலை ஆய்வு மையம், அடுத்த 12 மணி நேரத்தில் புதிய காற்றழுத்த தாழ்வுப்பகுதி உருவாக உள்ளதாக தெரிவித்துள்ளது.

இந்திய வானிலை ஆய்வு மையம்:
இந்திய வானிலை ஆய்வு மையம் வெளியிட்டுள்ள அறிவிப்பில் குறிப்பிட்டுள்ளதாவது,"மத்திய அரபிக்கடல் பகுதியில் அடுத்த 12 மணி நேரத்தில் குறைந்த காற்றழுத்த தாழ்வுப்பகுதி உருவாக வாய்ப்பு உள்ளது.கர்நாடகா - கோவா கடற்கரையில் கிழக்கு மத்திய அரபிக்கடலில் உருவான மேலடுக்கு சுழற்சி காற்றழுத்த தாழ்வு பகுதியாக உருவாகக்கூடும்.

குறைந்த காற்றழுத்த தாழ்வுப்பகுதி வடக்கு நோக்கி நகர்ந்து 36 மணி நேரத்தில் காற்றழுத்த தாழ்வு மண்டலமாக வலுப்பெறும்" என்று தெரிவித்துள்ளது.