தமிழகத்தில் இன்னும் 2 நாட்களுக்கு மழை தொடரும்.. வானிலை ஆய்வு மையம்.!
Tamilnadu next 2 days continue to rain
தமிழகத்தில் வெப்பச்சலனம் காரணமாக கடந்த சில நாட்களாக பரவலாக மழை பெய்து வரும் நிலையில் மேலும் இரண்டு நாட்கள் கனமழை பெய்யும் என வானிலை ஆய்வு மையம் தெரிவித்துள்ளது.
தமிழகத்தில் கோடை காலம் தொடங்கியுள்ள நிலையில் வளிமண்டல மேலடுக்கு சுழற்சி மற்றும் வெப்ப சலனம் காரணமாக தமிழகத்தில் பல்வேறு பகுதிகளில் கடந்த சில நாட்களாக பரவலாக மழை பெய்து வருகிறது.
குறிப்பாக நாகப்பட்டினம், திருவாரூர் மற்றும் தென் தமிழக மாவட்டங்களில் கனமழை பெய்து வருகிறது.
இந்த நிலையில் தற்போது சென்னை வானிலை ஆய்வு மையம் வெளியிட்டுள்ள செய்திக்குறிப்பில் தமிழகத்தின் டெல்டா மாவட்டங்கள் மற்றும் மேற்கு தொடர்ச்சி மலையை ஒட்டியுள்ள மாவட்டங்களில் அடுத்த 2 நாட்களுக்கு மழை பெய்ய வாய்ப்பு உள்ளதாக தெரிவித்துள்ளது.
English Summary
Tamilnadu next 2 days continue to rain