தமிழ்நாடு டாக்டர் ஜெ. ஜெயலலிதா இசை மற்றும் கவின் கலைப் பல்கலைக்கழக பட்டமளிப்பு விழாவில், நடிகர் சிவகுமார் மற்றும் ஓவியர் குருசாமி சந்திரசேகரன் ஆகியோருக்கு வாழ்நாள் சாதனைக்கான மதிப்புமிகு முனைவர் பட்டங்களை முதலமைச்சர் மு.க. ஸ்டாலின் வழங்கினார்.

விருது பெற்ற பின்னர் மேடையை அலங்கரித்து பேசிய நடிகர் சிவக்குமார் உரையில் உணர்ச்சி போங்க தெரிவித்ததாவது,"2018 ஆகஸ்ட் 7 – முத்தமிழறிஞர் கலைஞர் நம்மை விட்டு பிரிந்த வரலாற்று நாள். அதே மாதம் 25-ந்தேதி, கோவை இந்துஸ்தான் பல்கலைக்கழகத்தில் அவர் நினைவாக மிகுந்த பெருமையில் நிகழ்வு நடைபெற்றது.

அன்று மேடையில் நான் நியமித்த வார்த்தை – இன்று மஞ்சள் துண்டு போர்த்தியவர் நாளை தமிழகத்தின் முதலமைச்சர் ஆவார் என்று.அந்த தீர்க்கதரிசனம் இன்று பொய்யாகாமல், மூன்றாண்டுகளுக்குள் நிஜமாகி, 2021 ஏப்ரல் 7-ந்தேதி மக்களின் ஆசி தாங்கி, தமிழகத்தின் தலைநகராட்சி இருக்கையில் அமர்ந்திருக்கிறார்.

தந்தை வழியில் தமிழ்நாட்டிற்கு உயரிய சேவைகளை செய்து வருகிறார். அவருக்கு என் மனமார்ந்த பாராட்டுக்கள்.தொடர்ந்து, தனது இயல்பான எளிமையோடு அவர் பேசியது,"சின்ன வயதில் நான் சினிமாவை ஆர்வமாகப் பார்த்ததாக இல்லை. 14-வது வயதில் நான் பார்த்தது மொத்தம் 14 திரைப்படங்கள் மட்டுமே.

ஆனால் அவற்றில் பராசக்தி, மனோகரா, இல்லற ஜோதி, ராஜாராணி போன்ற படங்களில் கலைஞர் பேசும் வசனங்கள் என் மனத்தில் பொறிக்கப்பட்டதுபோல் இன்னும் நிலைத்து நிற்கின்றன. அவருடைய வார்த்தைகள் – கற்பனைக்கதிமீறி அறிவின் சிங்காரமே!".

"ஒரு எஸ்.எஸ்.எல்.சி. தேர்ச்சி கூட எழுதாத இளைஞன், சங்க இலக்கிய பாணியில் வசனங்களைப் படைத்தவர். அந்த இலக்கியப் பேரரசரின் வாரிசு இன்று நம்முடைய முதல்வராக உயர்ந்து, காலை உணவு, புதுமைப்பெண், நான் முதல்வன், தமிழ்ப் புதல்வன், வீடுதேடி மருத்துவம் போன்ற மக்கள் நலம் விதைக்கும் எண்ணற்ற திட்டங்களை செயல்படுத்தி, மக்களின் இதயத்தில் அழியாத முத்திரை பதித்துள்ளார். அவர் தொடர்ந்து இந்தப் பதவியில் திகழ வேண்டும் என என் உள்ளம் கனிந்த வாழ்த்துக்கள்".