புதுக்கோட்டை மாவட்டம் திருமயம் சட்டமன்றத் தொகுதியிலிருந்து திமுகவைச் சேர்ந்த முன்னாள் அமைச்சர் ரகுபதி தேர்ந்தெடுக்கப்பட்டதை எதிர்த்துத் தாக்கல் செய்யப்பட்ட மேல்முறையீட்டு மனுவை உச்ச நீதிமன்றம் தள்ளுபடி செய்து உத்தரவிட்டுள்ளது.

தேர்தல் வழக்கு பின்னணி: திருமயம் தொகுதியில் திமுக சார்பில் போட்டியிட்டு வெற்றி பெற்ற எஸ். ரகுபதியின் தேர்வை எதிர்த்து, அத்தொகுதியைச் சேர்ந்த வாக்காளரான பொன். பன்னீர்செல்வம் வழக்குத் தொடர்ந்திருந்தார்.

உயர் நீதிமன்ற உத்தரவு: தேர்தல் வழக்கு விதிகளின்படி மனுதாரர் நேரில் ஆஜராகி வழக்கை தாக்கல் செய்யாமல், வழக்கறிஞர் மூலமாகத் தாக்கல் செய்ததைக் சுட்டிக்காட்டி சென்னை உயர் நீதிமன்றம் முன்னதாக இம்மனுவைத் தள்ளுபடி செய்திருந்தது.

மேல்முறையீடு: சென்னை உயர் நீதிமன்றத்தின் இந்தத் தீர்ப்பை எதிர்த்து பொன். பன்னீர்செல்வம் தரப்பில் உச்ச நீதிமன்றத்தில் மேல்முறையீட்டு மனு தாக்கல் செய்யப்பட்டது.

உச்ச நீதிமன்றத் தீர்ப்பு: இருதரப்பு வாதங்களையும் கேட்டறிந்த நீதிபதிகள் பிரசாந்த் குமார் மிஸ்ரா மற்றும் ஸ்ரீ சந்திரசேகர் ஆகியோர் அடங்கிய உச்ச நீதிமன்ற அமர்வு, தீர்ப்பை ஒத்திவைத்திருந்த நிலையில், இன்று பொன். பன்னீர்செல்வத்தின் மேல்முறையீட்டு மனுவை தள்ளுபடி செய்து ரகுபதியின் வெற்றியை உறுதி செய்தது.