கோவை மாவட்டம் நரசிபுரம் மற்றும் அதன் சுற்றுவட்டாரப் பகுதிகளில் கடந்த சில வாரங்களாக ‘ரோலக்ஸ்’ எனப்படும் ஆண் காட்டு யானை மக்கள் மத்தியில் அச்சத்தை ஏற்படுத்தி வந்தது. புல்லாங்குழலின் இசையை விட வனத்துறையின் வானொலி சத்தமே அதிகம் கேட்டபடி இருந்த சூழலில், அந்த யானையை மயக்க ஊசி செலுத்தி பிடிக்கும் “ஆபரேஷன் ரோலக்ஸ்” என்ற சிறப்பு நடவடிக்கையில் வனத்துறையினர் தீவிரமாக இறங்கினர்.

இதற்காக சின்னத்தம்பி, வசிம், மற்றும் பொம்மன் எனப்படும் அனுபவமிக்க கும்கி யானைகள் முதுமலை மற்றும் கெம்பனூர் பகுதிகளிலிருந்து வரவழைக்கப்பட்டன. நான்கு கும்கி யானைகளின் புலனாய்வுடன், வனத்துறை அதிகாரிகள் காட்டு ராஜாவான ‘ரோலக்ஸ்’-ஐ நெருங்கும் வேட்டை திட்டத்தைத் தீட்டினர்.

இந்நிலையில், நீண்ட நேரம் நடந்த துரத்தலுக்குப் பிறகு, புள்ளாகவுண்டன்புதூர் அருகே பெரும்பள்ளம் பகுதியில் “ரோலக்ஸ்” யானை வனத்துறையினரின் வலையில் சிக்கியது. கால்நடை மருத்துவ குழுவினர் திறம்பட மயக்க ஊசி செலுத்தியதும், கும்கி யானைகள் இணைந்து யானையை அடக்கினர்.

அதன் பிறகு, பல மணி நேரம் நீண்ட சவாலான முயற்சிக்குப் பிறகு, ‘ரோலக்ஸ்’ யானை வெற்றிகரமாக பிடிபட்டு வாகனத்தில் ஏற்றப்பட்டு பாதுகாப்பாக வனத்துறை காவலில் ஒப்படைக்கப்பட்டது.இந்த ஆபரேஷன் முழுவதும் சினிமா த்ரில்லரை ஒத்த பரபரப்புடன் நடைபெற்றது என்பது குறிப்பிடத்தக்கது.