நெல்லை மாநகரில் போதைப்பொருள் கடத்தல் மற்றும் விற்பனையை தடுக்க காவலர்கள் தீவிர கண்காணிப்பில் ஈடுபட்டு வருகின்றனர். அந்த வகையில் பெருமாள்புரம் மற்றும் மேலப்பாளையம் பகுதிகளில் நடத்தப்பட்ட வாகன சோதனையில் 2 கிலோ 250 கிராம் கஞ்சா, 2 செல்போன்கள் மற்றும் 2 இருசக்கர வாகனங்கள் பறிமுதல் செய்யப்பட்டன.

இதுதொடர்பாக 2 வாலிபர்களை காவலர்கள் கைது செய்தனர்.நெல்லை மாநகரின் பெருமாள்புரம் மற்றும் மேலப்பாளையம் காவல் நிலைய எல்லைக்குட்பட்ட பகுதிகளில் காவலர்கள் தீவிர வாகன சோதனையில் ஈடுபட்டிருந்தனர்.அப்போது அந்த வழியாக வந்த 2 வாலிபர்களின் நடவடிக்கையில் சந்தேகம் ஏற்பட்டதால், அவர்களை காவலர்கள் தடுத்து நிறுத்தி விசாரணை மேற்கொண்டனர்.

விசாரணையின்போது, அவர்கள் தங்களிடம் கஞ்சா பதுக்கி வைத்திருந்தது தெரியவந்ததாக காவலர்கள் தெரிவித்தனர்.இதையடுத்து காவலர்கள் மேற்கொண்ட சோதனையில், விற்பனைக்காக பதுக்கி வைக்கப்பட்டிருந்த 2 கிலோ 250 கிராம் கஞ்சா கைப்பற்றப்பட்டது.மேலும், அவர்களிடம் இருந்த 2 செல்போன்கள் மற்றும் கஞ்சா கடத்தலுக்கு பயன்படுத்தப்பட்டதாக கூறப்படும் 2 இருசக்கர வாகனங்களையும் காவலர்கள் பறிமுதல் செய்தனர்.

கஞ்சா வைத்திருந்ததாக பெருமாள்புரத்தைச் சேர்ந்த சுகுமார், 23, மற்றும் மேலப்பாளையத்தைச் சேர்ந்த திவான்மைதீன், 22, ஆகிய 2 பேரையும் காவலர்கள் கைது செய்தனர்.அவர்களிடம் இருந்து கைப்பற்றப்பட்ட கஞ்சா மற்றும் பிற பொருட்கள் தொடர்பாக வழக்குப்பதிவு செய்து, இருவரிடமும் தொடர்ந்து விசாரணை மேற்கொள்ளப்பட்டது.

பின்னர் கைது செய்யப்பட்ட இருவரும் நீதிமன்றத்தில் முன்னிலைப்படுத்தப்பட்டு சிறையில் அடைக்கப்பட்டனர்.நெல்லை மாநகரில் போதைப்பொருள் நடமாட்டத்தை கட்டுப்படுத்தும் நடவடிக்கைகள் தொடர்ந்து தீவிரப்படுத்தப்படும் என காவல்துறை தரப்பில் தெரிவிக்கப்படுகிறது.