#BREAKING :: மகாகவி பாரதியாரின் பேத்தி லலிதா பாரதி காலமானார்..!!
Mahakavi Bharati Granddaughter Lalitha Bharathi passes away
மகாகவி பாரதியாரின் மகள் வழி பேத்தி லலிதா பாரதி வயது முதிர்வு காரணமாக இன்று காலை 9 மணி அளவில் காலமானார். அவருக்கு தற்பொழுது 94 வயது. லலிதா பாரதியின் மறைவுக்கு அரசியல் கட்சி தலைவர்களும், எழுத்தாளர்களும், சினிமா பிரபலங்களும் இரங்கல் தெரிவித்து வருகின்றனர். பாரதியாரின் மூத்த மகளான தங்கம்மாளின் மகள் தான் இந்த லலிதா பாரதி. லலிதா பாரதியின் உடல் பொதுமக்களின் அஞ்சலிக்காக அவரது வீட்டில் வைக்கப்பட்டுள்ளது.
இவர் இசையை முறையாக கற்றுக் கொண்டு கடந்த 40 ஆண்டுகளுக்கு மேலாக இசை ஆசிரியராக பணியாற்றி பல மாணவர்களை உருவாக்கியவர். பெண்ணியம் சார்ந்த செயல்பாடுகளில் அதிகம் ஈடுபாடு கொண்ட இவர் பாரதியாரின் பாடல்களை இசை மற்றும் நூல் வடிவில் பரப்புவதில் முக்கிய பங்கு வகித்தவர். லலிதா பாரதியின் மகன் ராஜ்குமார் பாரதி கர்நாடக இசை பாடகர் ஆவார். அம்மையார் லலிதா பாரதியின் மறைவு பொதுமக்கள் மத்தியில் பெரும் சோகத்தை ஏற்படுத்தியுள்ளது.
English Summary
Mahakavi Bharati Granddaughter Lalitha Bharathi passes away