கமல்ஹாசன் பிறந்த நாளில் தொண்டர்களுக்கு நேர்ந்த சோகம்! வட்டாட்சியர்கள் ஆறுதல்!
Kamal Haasan birthday happened Tragedy to volunteers
மக்கள் நீதி மய்யம் தலைவர் கமல்ஹாசன் பிறந்தநாள் விழாவில் கலந்து கொள்ள சென்ற சுற்றுலா வேன் சங்ககிரி அருகே லாரியின் பின்புறத்தில் மோதியதில் பெண் உள்பட 6 பேர் படுகாயம் அடைந்தனர்.
சென்னையில் இன்று மக்கள் நீதி மய்யம் கட்சித் தலைவர் கமல்ஹாசனின் பிறந்தநாள் விழா கொண்டாடப்படுகிறது. இந்த விழாவில் பங்கேற்பதற்காக அந்த கட்சியை சேர்ந்த கோயம்புத்தூர் தெற்கு மாவட்ட செயலாளர், வட்டச் செயலாளர் ஆகியோர் தலைமையில் 19 பேர் கோவையில் இருந்து சுற்றுலா வேனில் சென்னைக்கு சென்று கொண்டிருந்தனர்.
அப்போது சங்ககிரி அருகே ஓட்டுனரின் கட்டுப்பாட்டை இழந்த சுற்றுலா வேன் தேசிய நெடுஞ்சாலையில் சென்று கொண்டிருந்த லாரி மீது மோதி விபத்து ஏற்பட்டது.
இந்த விபத்தில் சுற்றுலா வேன் ஓட்டுநர் உள்பட 6 பேர் படுகாயம் அடைந்தனர். இந்த விபத்தில் படுகாயம் அடைந்த வேன் ஓட்டுநர் தனியார் மருத்துவமனையிலும் மற்றவர்களை சேலம் அரசு மருத்துவமனையிலும் சிகிச்சைக்காக சேர்க்கப்பட்டுள்ளது.
இது தொடர்பாக சங்ககிரி போலீசார் வழக்கு பதிவு செய்து விசாரணை நடத்தி வருகின்றனர். விபத்தில் காயமடைந்தவர்களை சங்ககிரி வட்டாட்சியர்கள் நேரில் சந்தித்து ஆறுதல் தெரிவித்தனர்.
English Summary
Kamal Haasan birthday happened Tragedy to volunteers