தியா சூர்யாவின் "லீடிங் லைட்": ஆஸ்கர் விருதுக்காக திரையிடப்பட்டுள்ளமைக்கு குவியும் பாராட்டு..!

2டி என்டர்டைன்மெண்ட் சார்பில், சூர்யா ஜோதிகா தயாரிக்க, பாலிவுட் லைட்வுமன்களை மையமாக கொண்டு உருவாயிருக்கும் டாக்கு டிராமா குறும்படம் "லீடிங் லைட்"

இந்த படத்தின் மூலம் சூர்யா- ஜோதிகாவின் மகள் தியா சூர்யா இயக்குநராக களமிறங்கியுள்ளார். திரையுலகிற்கு பின்னால் மறைந்திருந்து ஒளி தரும் லைட்வுமன்களை பற்றியும், பாலிவுட் உலகில் பணிபுரியும் லைட்வுமன்களில் அனுபவங்களை விவரிக்கும் டாக்குமெண்ட்ரி - டிராமாவாக இந்த படம் உருவாகியுள்ளது.

உலகம் முழுக்க பலத்த பாராட்டுக்களை குவித்து வரும் "லீடிங் லைட்" படம் ஆஸ்கர் விருதுக்காக லாஸ் ஏஞ்சல்ஸ், கலிபோர்னியாவின் Regency Theatre-இல் திரையிடப்படவுள்ளது.

இன்று செப்டம்பர் 26 முதல் அக்டோபர் 02 வரை தினமும் மதியம் 12:00 மணி காட்சியாக இந்த படம் திரையிடப்படுகிறது. இயக்குநராக தியா சூர்யா அறிமுகத்திலையே ஆஸ்கர் வரை செல்லும் இத்தகைய பெருமையை பெற்றிருப்பதற்கு பலரும் பாராட்டுக்களை தெரிவித்து வருகின்றனர்.