நீதிமன்றம் அதிரடித் தீர்ப்பு...! சிறுமிகளுக்குப் பாலியல் தொல்லை..! -.பேட்டை முத்துகுமாருக்கு 16 ஆண்டுகள் கடுங்காவல் சிறை...!

நெல்லை அருகிலுள்ள பேட்டை செக்கடி பகுதியைச் சேர்ந்த 41 வயதுடைய முத்துகுமார், அப்பகுதியில் உள்ள ஒரு டீக்கடையில் டீ மாஸ்டராக பணியாற்றி வந்தார்.

கடந்த 2024ஆம் ஆண்டில், 6 மற்றும் 7 வயதுடைய இரண்டு சிறுமிகளுக்கு எதிராக அவர் ஒழுங்குக்கேடான பாலியல் தொல்லைகளை நிகழ்த்தியதாக தெரிவிக்கப்படுகிறது.

இந்த சம்பவம் குறித்து சிறுமிகளின் பெற்றோர் அளித்த புகாரின் அடிப்படையில், நெல்லை டவுன் அனைத்து மகளிர் காவலர்கள் போக்சோ சட்டம் மற்றும் வன்கொடுமை தடுப்பு சட்டத்தின் கீழ் வழக்குப்பதிவு செய்து முத்துகுமாரை கைது செய்தனர்.

இந்த வழக்கு நெல்லை மாவட்ட போக்சோ சிறப்பு நீதிமன்றத்தில் தொடர்ந்து விசாரணைக்கு உட்படுத்தப்பட்டது. வழக்கை விரிவாக ஆய்வு செய்த நீதிபதி சுரேஷ்குமார், நேற்று தீர்ப்பை வழங்கினார்.

குற்றச்சாட்டுகள் நிரூபிக்கப்பட்ட நிலையில், முத்துகுமாருக்கு 16 ஆண்டுகள் கடுங்காவல் சிறை தண்டனை விதிக்கப்பட்டது. மேலும், பாதிக்கப்பட்ட இரண்டு சிறுமிகளின் குடும்பங்களுக்கு தலா ரூ.1 லட்சம் அரசு இழப்பீடு வழங்கவும் நீதிமன்றம் உத்தரவிட்டது.இந்த வழக்கில் அரசு தரப்பில் வழக்கறிஞர் உஷா ஆஜராகி வலுவான வாதங்களை முன்வைத்தார்.