சென்னையில் நள்ளிரவு பைக் ரேஸ் கொடூரம்: மேம்பாலத்திலிருந்து கீழே விழுந்து இளைஞர் உயிரிழப்பு — 7 பேர் கைது!
Chennai Midnight Bike Stunt Turns Fatal 21-Year-Old Dies in Flyover Crash 7 Arrested
சென்னையின் பிரதான சாலைகளில் அதிகரித்து வரும் நள்ளிரவு பைக் ரேஸ் மோகத்தால், கோட்டூர்புரம் காந்தி மண்டபம் மேம்பாலத்தில் பைக் சாகசத்தில் ஈடுபட்ட பட்டதாரி இளைஞர் ஒருவர் மேம்பாலத்திலிருந்து கீழே விழுந்து பரிதாபமாக உயிரிழந்துள்ளார்.
மேம்பாலத்தில் விபத்து: சென்னை ஆர்.ஏ.புரம் கிரீன்வேஸ் சாலையைச் சேர்ந்த ஸ்ரீகுகன் (21) என்ற இளைஞர், அதிகாலை 2.15 மணியளவில் நண்பரின் இருசக்கர வாகனத்தில் காந்தி மண்டபம் மேம்பாலத்தில் சென்றபோது, கட்டுப்பாட்டை இழந்து தடுப்புக் கம்பியில் மோதினார்.
சம்பவ இடத்திலேயே பலி: மோதிய வேகத்தில் மேம்பாலத்திலிருந்து கீழே தூக்கி வீசப்பட்ட ஸ்ரீகுகன், படுகாயமடைந்து சம்பவ இடத்திலேயே உயிரிழந்தார். இவர் பைக் ரேஸில் ஈடுபட்டபோது இந்த விபத்து நடந்ததா என்ற கோணத்தில் விசாரணை நடைபெற்று வருகிறது.
காவல்துறை அதிரடி கைது: இச்சம்பவம் தொடர்பாகக் கோட்டூர்புரம் காவல்துறை வழக்குப்பதிவு செய்து, அப்பகுதியிலுள்ள சிசிடிவி (CCTV) கேமரா காட்சிகளை ஆய்வு செய்தது. அதில் பைக் ரேஸில் ஈடுபட்டது உறுதி செய்யப்பட்டதைத் தொடர்ந்து 7 இளைஞர்களைப் போலீஸார் கைது செய்து தீவிர விசாரணை நடத்தி வருகின்றனர்.
English Summary
Chennai Midnight Bike Stunt Turns Fatal 21-Year-Old Dies in Flyover Crash 7 Arrested