நெல்லை|| எரிந்த நிலையில் கிடந்த மனித எலும்புக் கூடு - போலீசார் தீவிர விசாரணை.!!
burnt human skeleton found in thirunelveli
திருநெல்வேலி மாவட்டம் மேலப்பாளையத்தில் இருந்து ரெட்டியார்பட்டி செல்லும் சாலையில் இடுகாடு உள்ளது. இந்த இடுகாட்டில் நேற்று மதியம் இறந்த நபரின் உடலை நல்லடக்கம் செய்வதற்காக பலர் சென்றனர். அப்போது அங்கு தென்னை மட்டைகளை மொத்தமாக வைத்து அதன் நடுவே ஒரு மனித உடல் ஒன்று தீயில் எரிந்து கொண்டு இருந்தது.
இதைப்பார்த்து அதிர்ச்சியடைந்த அவர்கள் உடனடியாக மேலப்பாளையம் காவல் நிலையத்திற்கு தகவல் கொடுத்தனர். அதன் படி போலீசார் சம்பவ இடத்துக்கு விரைந்து சென்று ஆய்வு செய்தனர்.
இதையடுத்து தடய அறிவியல் நிபுணர்கள் சம்பவ இடத்துக்கு வந்து உடல் எலும்புக்கூடு கிடந்த இடத்தில் சில தடயங்களை சேகரித்தனர். இந்தச் சம்பவம் குறித்து மேலப்பாளையம் போலீசார் வழக்குப்பதிவு செய்து மர்மநபர்கள் யாரையாவது கொலை செய்து இங்கு வந்து எரித்தனரா? அது ஆணா, இல்லை பெண்ணா? என பல்வேறு கோணங்களில் தீவிர விசாரணை மேற்கொண்டு வருகின்றனர்.
English Summary
burnt human skeleton found in thirunelveli