தொடர்மழை பரிதாபம்: இடிபாடுகளில் சிக்கி உயிரிழந்த 2 இளைஞர்கள்!

மிக்ஜம் புயல் காரணமாக சென்னையில் நேற்று இரவு முதல் கனமழை பெய்து வருவதால் பல்வேறு இடங்களில் கட்டிடத்தின் சுவர் இடிந்து விழுந்து விபத்துக்குள்ளானது.

இந்த இடிபாடுகளில் சிக்கி 2 இளைஞர்கள் பரிதாபமாக உயிரிழந்துள்ளனர். சென்னை இசிஆர் இந்திரா காந்தி தெருவில் கட்டுமான பணி நடைபெற்று வந்த நிலையில் மழையில் நனைந்து கட்டிடத்தின் ஒரு பகுதி திடீரென இடிந்து விழுந்தது.

இதில் அங்கு தங்கியிருந்த 20 வயது மற்றும் 30 வயது இளைஞர்கள் 2 பேர் இடிபாடுகளில் சிக்கி பரிதாபமாக உயிரிழந்து விட்டனர்.