சினிமா தயாரிப்பாளர் ஆகாஷ் பாஸ்கரன் வழக்கில் அமலாக்கத்துறை உதவி இயக்குனர் ஆஜராக வேண்டும் என உயர்நீதிமன்றம் அதிரடி உத்தரவு பிறப்பித்துள்ளது. நீதிமன்ற அவமதிப்பு வழக்கில் தொடர்பில் உயர்நீதிமன்றம் இந்த உத்தரவை பிறப்பித்துள்ளது. 

டாஸ்மாக் முறைகேடு புகார் தொடர்பாக சினமா தயாரிப்பாளர் ஆகாஷ் பாஸ்கரன் மற்றும் தொழிலதிபர் விக்ரம் ரவீந்திரன் ஆகியோருக்கு சொந்தமான இடங்களில் அமலாக்கத்துறை சோதனை நடத்தியது. அப்போது ஆகாஷ் பாஸ்கரனிடம் இருந்து ஆவணங்களை பறிமுதல் செய்யப்பட்டது.

இதை எதிர்த்து தாக்கல் செய்யப்பட்ட வழக்கை சென்னை உயர்நீதிமன்றம் விசாரித்த நிலையில், ஆகாஷ் பாஸ்கரனிடம் இருந்து கைப்பற்றப்பட்ட ஆவணங்களை திருப்பி ஒப்படைக்கப்பட வேண்டும் உத்தரவிட்டுள்ளது. இது தொடர்பில் மேற்கொண்டு எந்த ஒரு நடவடிக்கையும் எடுக்க கூடாது என்று இடைக்கால தடைவிதித்து உத்தரவிட்டுள்ளது. 

இந்நிலையில், ஆகாஷ் பாஸ்கரிடம் கைப்பற்றப்பட்ட ஆவணங்கள் தொடர்பாக அமலாக்கத்துறையினரிடம் மேல்முறையீட்டு அதிகாரி நோட்டீஸ் அனுப்பியதாக கூறி அமலாக்கத்துறை சம்மன் அனுப்பியுள்ளதாக ஆகாஷ் பாஸ்கரன் சார்பில், நீதிமன்ற அவமதிப்பு வழக்கு தொடரப்பட்டது. இந்த வழக்கு நீதிபதி எம்.எஸ்.ரமேஷ், நீதிபதி வி.லட்சுமி நாராயணன் அமர்வில் விசாரணைக்கு வந்தது.

இதன் போது, நீதிமன்ற அவமதிப்பு வழக்கில் அமலாக்கத்துறை உதவி இயங்குனர் , செப்டெம்பர் 17-ஆம் தேதி நேரில் ஆஜராக வேண்டும் என நீதிபதிகள் உத்தரவிட்டு இருக்கிறார்கள். ஆனால், அமலாக்கத்துறை சார்பில்  எஸ்.பி. ராஜு, காணொளி மூலமாக ஆஜராகி இருந்தார். அவர் பதில் மனுத்தாக்கல் செய்யாததற்கு ரூ.30,000 அபராதம் விதித்ததை எதிர்த்து உச்சநீதிமன்றத்தில் மேல்முறையீடு செய்வோம் என தெரிவித்து இருந்தார். இதையடுத்து அனைத்து வழக்குகளையும் 17ஆம் தேதிக்கு நீதிமன்றம் ஒத்திவைத்துள்ளது.