அசோக் செல்வன் புதிய படத்தில் இணைந்த பிரபல மலையாள நடிகை...!
Famous Malayalam actress joins Ashok Selvans new film
தமிழ் திரையுலகில் 'சூதுகவ்வும்' படத்தின் மூலம் அறிமுகமானார் நடிகர் அசோக் செல்வன். இதைத்தொடர்ந்து வித்தியாசமான கதைகளை தேர்வு செய்து தொடர்ந்து நடித்து வருகிறார்.
இதில் நித்தம் ஒரு வானம், சில நேரங்களில் சில மனிதர்கள், ஹாஸ்டல், மன்மத லீலை உள்ளிட்ட படங்களில் இவரின் நடிப்பு அசத்தலாக இருந்ததாக ரசிகர்கள் தெரிவிக்கின்றனர்.அண்மையில் வெளிவந்த தக் லைப் படத்தின் முக்கிய கதாபாத்திரத்தில் தனது நடிப்பு திறமையை காண்பித்திருந்தார்.
இதனையடுத்து இயக்குனர் 'விக்னேஷ் ராஜா' இயக்கத்தில் தனது 23வது படத்தில் தற்போது நடித்துவருகிறார்.இப்படத்தில் கதாநாயகியாக 'பிரீத்தி முகுந்தன்' நடிக்கிறார்.இதைத் தொடர்ந்து இன்று ,நடிகர் அசோக் செல்வனின் புதிய படத்திற்கான பூஜை சிறப்பாக நடைபெற்றுள்ளது.
இந்த படத்தினை பிரபல தயாரிப்பு நிறுவனமான வேல்ஸ் பிலிம்ஸ் இன்டர்நேஷனல் நிறுவனம் தயாரிக்கிறது. இதில் அசோக் செல்வனுக்கு ஜோடியாக பிரபல மலையாள நடிகை 'நிமிஷா சஜயன்' நடிக்க ஒப்பந்தமாகி இருக்கிறார்.அண்மையில் இவர் நடித்த அனைத்து படங்களிலும் தனது தனித்துவமான நடிப்பை காண்பித்திருந்தார்.
அதை தற்போது இப்படத்திலும் ரசிகர்கள் எதிர்பார்ப்பார்கள் என்று தெரிகிறது.
English Summary
Famous Malayalam actress joins Ashok Selvans new film