பெரிய​பாளை​யம் அருகே உள்ள இறால் உள்ளிட்ட கடல் உணவுகளை பதப்படுத்தும் தனி​யார் நிறு​வனத்​தில் அமோனியா வாயுக் கசிவு ஏற்பட்டு விபத்து ஏற்பட்டது. இந்த துயர சம்பவத்தில் ஏற்​கெனவே 15 பேர் உயி​ரிழந்துள்ளனர். தற்போது மேலும் ஒரு பெண் தொழிலா​ளர் நேற்று உயி​ரிழந்துள்ள நிலையில், உயி​ரிழப்பு எண்​ணிக்கை 16 ஆக உயர்ந்துள்ளது.

திரு​வள்​ளூர் மாவட்​டம், பெரிய​பாளை​யம் அருகே கன்​னிகைப்​பேர் கிராமத்​தில் செயல்​பட்டு வரும் கடல் உணவுப் பொருட்​களை பதப்​படுத்தி வெளி​நாடு​களுக்கு ஏற்​றுமதி செய்​யும் தனி​யார் நிறு​வனத்​தில் கடந்த 21-ஆம் தேதி அமோனியா வாயுக் கசிவு ஏற்​பட்​டது. இதில், ஓய்வு மற்​றும் பணி​யில் இருந்த 83 பேர் மயக்​கம் அடைந்​தனர். இதில் பலருக்கு கண் எரிச்​சல், மூச்​சுத் திணறல் உள்ளிட்ட பாதிப்​பு​கள் ஏற்​பட்​டன.

வாயுக்கசிவால் பாதிக்​கப்​பட்​ட​வர்​கள், மஞ்​சங்​காரணை வேல்ஸ் மருத்​து​வக் கல்லூரி மருத்​து​வ​மனை, சிறுணி​யம் வெங்​கடேஸ்​வரா மருத்துவமனை, சென்னை ஸ்டான்லி அரசு மருத்​து​வக் கல்​லூரி மருத்​து​வ​மனை மற்​றும் ராஜீவ்​காந்தி அரசு பொது மருத்​து​வ​மனை​களுக்கு அனுப்பி வைக்​கப்​பட்​டனர். இதில், ஒடிசா மாநிலத்​தைச் சேர்ந்த 12 பெண்​கள், அசாம் மாநிலத்​தைச் சேர்ந்த 02 பெண்​கள், ஜார்க்​கண்ட் மாநிலத்​தைச் சேர்ந்த ஒரு பெண் என, 15 பெண் தொழிலா​ளர்​கள் உயி​ரிழந்​தனர்.

இந்​நிலை​யில், சென்​னை, ஸ்டான்லி அரசு மருத்​து​வக் கல்​லூரி மருத்​து​வ​மனை​யில் தீவிர சிகிச்சை பெற்று வந்த ஒடிசா மாநிலத்​தைச் சேர்ந்த கப்​பிட்டா ஜுவாங்கா என்ற 24 வயதுடைய பெண் சிகிச்சை பலனின்றி நேற்று உயி​ரிழந்துள்ளார்.