திமுகவின் 27 முக்கிய புள்ளிகளிடன் 2 லட்சம் கோடி ரூபாய் சொத்து - பட்டியலை வெளியிடும் அண்ணாமலை!

வருகின்ற ஏப்ரல் 14ஆம் தேதி திமுக அமைச்சர்களின் ஊழல் பட்டியில் வெளியிடப்படும் என்று, பாஜக மாநில தலைவர் அண்ணாமலை தெரிவித்துள்ளார்.

தென்காசியில் நடைபெற்ற பாஜகவின் பொதுக்கூட்டம் ஒன்றில் பேசிய பாஜக மாநில தலைவர் அண்ணாமலை, திமுகவைச் சேர்ந்த 27 முக்கிய பிரமுகர்களிடம் இரண்டு லட்சத்தி 24 ஆயிரம் கோடி ரூபாய் சொத்து இருப்பதாக குற்றம் சாட்டியுள்ளார்.

பொதுக் கூட்டத்தில் அண்ணாமலை பேசிய விவரம் பின் வருமாறு : வருகின்ற தமிழ் புத்தாண்டு சித்திரை 1, ஏப்ரல் 14ஆம் தேதி ஒரு மாபெரும் திருவிழாவாக, ஊழலுக்கு எதிரான திருவிழாவாக இந்த ஆண்டு இருக்கப் போகிறது.

அன்றைய தினம் பாரதிய ஜனதா கட்சி, திமுக அமைச்சர்கள் உடைய சொத்து பட்டியலை வெளியிட உள்ளது. மேலும் திமுக எம்எல்ஏக்களின் சொத்து பட்டியலும் வெளியிடப்பட உள்ளது.