நடிகர் சிவகார்த்திகேயன் கார், மற்றொரு காருடன் மோதி விபத்து..!

'பராசக்தி' என்னும் சிவகார்த்திகேயனின் 25-வது படத்தை சுதா கொங்கரா இயக்கியுள்ளார். இப்படத்தின் படப்பிடிப்பு பணிகள் முடிவடைந்து போஸ்ட் ப்ரொடக்ஷன் பணி விறுவிறுப்பாக நடைபெற்று வருகிறது. 2026 ஆம் ஆண்டு பொங்கல் விடுமுறையையொட்டி ஜனவரி 14-இல் விஜய்யின் ஜனநாயகனுக்கு போட்டியாக ரிலீஸாக உள்ளது.

இப்படத்தின் ப்ரோமோஷன் பணிகளில் சிவகார்த்திகேயன் தீவிரமாக ஈடுபட்டுள்ளார். இந்நிலையில், சென்னை மத்திய கைலாஷ் பகுதியில் நடிகர் சிவகார்த்திகேயன் சென்ற கார் விபத்துக்குள்ளாகியுள்ளது.

அதாவது, சிவகார்த்திகேயன் வந்த கார், முன்னால் சென்ற கார் மீது லேசாக மோதி விபத்து ஏற்பட்டுள்ளது. அதிர்ஷ்டவசமாக இந்த விபத்தில் யாருக்கும் காயம் ஏதும் ஏற்படவில்லை என கூறப்படுகிறது. குறித்த விபத்து தொடர்பாக இரு தரப்புக்கும் வாக்குவாதம் ஏற்பட்ட நிலையில், போலீசார் சமரசம் பேசி அனுப்பி வைத்துள்ளனர். இந்த விபத்து தொடர்பாக மயிலாப்பூர் போக்குவரத்து புலனாய்வு பிரிவு போலீசார் விசாரணை மேற்கொண்டு வருகின்றனர்.