தொடர்ந்து 3வது நாளாக குறையும் தங்கத்தின் விலை.. மகிழ்ச்சியில் இல்லத்தரசிகள்.!

உலகம் முழுவதும் கடந்த ஆண்டு ஏற்பட்ட தொழில்துறை தேக்கத்தின் காரணமாக உலகம் முழுவதும் முதலீட்டாளர்கள் பாதுகாப்பான முதலீடுகளின் பக்கம் திரும்பி வருகின்றனர். பங்குச் சந்தை, ரியல் எஸ்டேட், அமெரிக்க டாலர்கள் என மற்ற பலவற்றில் இருந்த முதலீடுகளை தற்போது தங்கத்தின் மீது முதலீடு செய்து வருகின்றனர்.

அதனால், தங்கத்தின் தேவை அதிகரித்து வருகிறது. அதன் காரணமாகவே தங்கத்தின் விலை அவ்வப்போது ஏற்ற இறக்கம் நிலவி வந்த நிலையில் கடந்த 3 நாட்களாக தங்கத்தின் விலை குறைந்து வருகிறது.

அதன்படி, சென்னையில் இன்று 22 கேரட் ஆபரணத் தங்கத்தின் விலை சவரனுக்கு ரூ.88 குறைந்து, ரூ.38,704-க்கு விற்பனை செய்யப்படுகிறது. அதேபோல், கிராமுக்கு தங்கம் ரூ.11 குறைந்து, ரூ.4,838-க்கு விற்பனை செய்யப்படுகிறது.

மேலும், வெள்ளி கிராமுக்கு 90 பைசா குறைந்து, ரூ.62.40 ஆகவும், ஒரு கிலோ கட்டி வெள்ளி ரூ.62,400-க்கும் விற்பனை செய்யப்படுகிறது.