சிவகங்கை மாவட்டம், காரைக்குடியிலிருந்து திண்டுக்கல்லுக்கு சென்ற அரசுப் பேருந்தும், திருப்பூரிலிருந்து காரைக்குடிக்கு சென்ற மற்றொரு அரசுப் பேருந்தும் நேருக்கு நேர் மோதி விபத்துக்குள்ளானதில் 09 பெண்கள் மற்றும் ஓட்டுநர் உட்பட 11 பேர் உயிரிழந்தனர். இந்த கோரா விபத்து இன்று மாலை 04.20 மணிக்கு திருப்பத்தூர் அருகே வைரவன்பட்டி சமத்துவபுரம் பகுதியில்  நடந்துள்ளது. 

குறித்த பேருந்து விபத்தில் 40-க்கும் மேற்பட்டோர் படுகாயமடைந்துள்ளனர். அவர்களை அவ்வழியாக வந்தோர் மீட்டு 108 ஆம்புலன்ஸ்கள் மூலம் திருப்பத்தூர், காரைக்குடி அரசு மருத்துவமனைகளில் அனுமதித்துள்ளனர். பெரும் சோகத்தை ஏற்படுத்தியுள்ள இந்த விபத்து நடந்த இடத்தை மாவட்ட ஆட்சியர் கா.பொற்கொடி பார்வையிட்டுள்ளார்.

அத்துடன் நேரடியாக திருப்பத்தூர் அரசு மருத்துவமனைக்கு சென்று அங்கு  காயமடைந்தோருக்கு ஆறுதல் கூறியுள்ளார். இந்த விபத்து குறித்து நாச்சியாபுரம் போலீஸார் விரசனை நடத்தி வருகின்றனர். இந்த கோர விபத்து காரணமாக போக்குவரத்து நெரிசல் ஏற்பட்டதால் வழியாக வந்த வாகனங்கள் மாற்று வழித்தடத்தில் திருப்பிவிடப்பட்டன.

பொலிஸாரின் முதல்கட்ட விசாரணையில், திண்டுக்கலில் இருந்து சென்ற அரசுப் பேருந்து அதிவேகமாக சென்றதால், இந்த விபத்து ஏற்பட்டதாக கூறப்படுகிறது.