"ஓமனை பந்தாடிய ஷனகா": 19 பந்துகளில் அரைசதம் அடித்து உலகக் கோப்பையில் புதிய சாதனை!
Shanaka Sledgehammer A New Milestone in Sri Lankan Cricket
2026 டி20 உலகக் கோப்பைத் தொடரில் ஓமன் அணிக்கு எதிரான ஆட்டத்தில், இலங்கை அணியின் கேப்டன் தசுன் ஷனகா ருத்ரதாண்டவம் ஆடியுள்ளார். தனது அதிரடி ஆட்டத்தின் மூலம் இலங்கை கிரிக்கெட் வரலாற்றில் ஒரு புதிய மைல்கல்லை அவர் எட்டியுள்ளார்.
இலங்கை அணி 20 ஓவர் முடிவில் 225/5 என்ற மலைப்போன்ற ரன்களைக் குவித்தது. இதில், குசல் மெண்டிஸ்: 61 ரன்கள், பவன் ரத்நாயகே: 60 ரன்கள், தசுன் ஷனகா: வெறும் 19 பந்துகளில் அரைசதம் விளாசி அசத்தினார்.
இலங்கை அணிக்காகச் சர்வதேச டி20 போட்டிகளில் அதிவேக அரைசதம் அடித்தவர்களில் ஷனகா தற்போது முதலிடம் பிடித்துள்ளார். வியப்பு என்னவென்றால், இந்தப் பட்டியலில் இரண்டாம் இடத்திலும் அவரே உள்ளார்!
யுவராஜின் இமாலயச் சாதனை:
ஷனகா இலங்கை அளவில் சாதனை படைத்தாலும், 2007-ல் இங்கிலாந்துக்கு எதிராக இந்திய வீரர் யுவராஜ் சிங் படைத்த 12 பந்து அரைசதம் என்ற உலக சாதனை இன்றும் யாராலும் நெருங்க முடியாத ஒரு வரலாற்றுச் சாதனையாகவே நீடிக்கிறது.
தனது 20 பந்து சாதனையை 19 பந்தாக மாற்ற ஷனகாவிற்கு மூன்று ஆண்டுகள் தேவைப்பட்டிருக்கிறது. அடுத்த முறை 18-ஆகக் குறையுமா அல்லது யுவராஜின் சாதனையை யாராவது நெருங்குவார்களா என்பதைப் பொறுத்திருந்து பார்ப்போம்!"
English Summary
Shanaka Sledgehammer A New Milestone in Sri Lankan Cricket