இந்தியா- நியூசிலாந்து அணிகளுக்கு இடையிலான 04-வது டி20 போட்டி விசாகப்பட்டினத்தில் இன்று நடைபெற்றது. போட்டியில் டாஸ் வென்ற இந்திய அணி முதலில் பௌலிங் தேர்வு செய்தது. அதன்படி முதலில் களமிறங்கிய நியூசிலாந்து அணியின் கான்வே, 23 பந்தில் 04 பவுண்டரி, 03 சிக்சருடன் 44 ரன்கள் விளாசி ஆட்டமிழந்தார். 

ரச்சின் ரவீந்திரா 2 ரன்னில் வெளியேறினார். டிம் செய்பெர்ட் 36 பந்தில் 07 பவுண்டரி, 03 சிக்சருடன் 62 ரன்கள் எடுத்து அர்ஷ்தீப் சிங் பந்தில் ஆட்டமிழந்து வெளியேறினார். அடுத்ததக் பிலிப்ஸ் 24 ரன்னிலும், சாப்மேன் 09 ரன்னிலும், மிட்செல் சாட்னெர் 12 ரன்னிலும் ஆட்டமிழந்தனர். டேரில் மிட்செல் கடைசி வரை நின்று 18 பந்தில் 39 ரன்கள் அடித்தார். இதன் மூலம் நியூசிலாந்து 20 ஓவரில் 07 விக்கெட் இழப்பிற்கு 215 ரன்கள் எடுத்துள்ளது.

இந்த அணி சார்பில், அதிகபட்சமாக, அர்ஷ்தீப் சிங், குல்தீப் யாதவ் தலா 02 விக்கெட் வீழ்த்தினர். பும்ரா, ரவி பிஷ்னாய் தலா ஒரு விக்கெட்டினை கைப்பற்றினர். 216 ரன்கள் அடித்தால் வெற்றி என்ற கடினமான இலக்குடன் இந்தியா களம் இறங்கியது. அபிஷேக் சர்மா, சஞ்சு சாம்சன் ஆகியோர் தொடக்க வீரர்களாக களம் இறங்கினர். அபிஷேக் சர்மா டக் அவுட் ஆகி வெளியேறி அதிர்ச்சி கொடுத்தார். அடுத்து சூர்யகுமாயர் யாதவ் 08 ரன்னில் வெளியேறி ஏமாற்றமளித்தார்.

03-வது விக்கெட்டுக்கு சஞ்சு சாம்சன் உடன் ரிங்கு சிங் ஜோடி சேர்ந்தார். சஞ்சு சாம்சன் 24 ரன்கள் எடுத்து ஆட்டமிழந்தார்.

ரிங்கு சிங் 39 ரன்களிலும், ஹர்டிக் பாண்டியா 02 ரன்களில் ஆட்டமிழந்து பெரிதும் ஏமாற்றம் அளித்தனர். ஆனால், அடுத்ததாக சிவம் தூபே 23 பந்துகளில் 65 ரன்கள் என்று தனியொரு ஆளாக போராடினார். ஆனாலும் துரதிஷ்டவசமாக ரன் அவுட் மூலம் வெளியேறினார்.

அடுத்த வந்த யாரும் சோபிக்காத நிலையில், 18.4 ஓவர்களில் 165 ரன்கள் மட்டுமே இந்தியாவால் எடுக்க முடிந்தது. இதன்மூலம் 50 ரன்கள் வித்தியாசத்தில் நியூசிலாந்து அபார வெற்றி பெற்றது.

இந்திய அணியின் விக்கெட் கீப்பர் பேட்ஸ்மேன் சஞ்சு சாம்சன் தொடர்ந்து 04 வது போட்டியிலும் ஏமாற்றமளித்துள்ளார். இவர் முதல் 03 போட்டிகளில் வெறும் 16 ரன்கள் மட்டுமே அடித்திருந்தார். இன்றும் 15 பந்தில் 24 ரன்கள் எடுத்தார்.