நார்வே நாட்டின் கிளாசிக்கல் சர்வதேச செஸ் போட்டி அங்குள்ள பிரபல ஸ்டாவஞ்சர் நகரில் உற்சாகத்தோடு நடந்து வருகிறது. இதில் ஓபன் பிரிவில் இந்தியாவைச் சேர்ந்த நடப்பு உலக சாம்பியனான ''குகேஷ்'' , 5 முறை உலக சாம்பியன் மாக்னஸ் கார்ல்சென் (நார்வே) உள்பட 6 வீரர்கள் கலந்துக் கொண்டனர்.

இதன் கடைசி 6-வது சுற்று ஆட்டத்தில் தமிழகத்தைச் சேர்ந்த குகேஷ், மாக்னஸ் கார்ல்சென் உடன் மோதினர். இந்த ஆட்டத்தில் மாக்னஸ் கார்ல்சனை 'குகேஷ்' இறுதிவரை போராடி வீழ்த்தினார்.

இந்த வெற்றியின் மூலம் குகேஷ் 8.5 புள்ளிகளுடன் போட்டிப் பட்டியலில் 3 வது இடத்திற்கு முன்னேறினார். மேலும், முதல் 2 இடத்திலுள்ள கார்ல்சன் மற்றும் அமெரிக்க வீரர் ஃபேபியானோ ஆகியோரை விட குகேஷ் ஒரு புள்ளி மட்டுமே பின்தங்கியுள்ளார் என்பது குறிப்பிடத்தக்கது.

இந்த நிலையில் குகேஷ்-க்கு தமிழக 'முதலமைச்சர் முக ஸ்டாலின்' மனமார வாழ்த்து தெரிவித்து தனது எக்ஸ் வலைதளத்தில் பதிவு ஒன்று வெளியிட்டுள்ளார்.

முதலமைச்சர் முக ஸ்டாலின்:

அதில் அவர் குறிப்பிட்டதாவது," மேக்னஸ் கார்ல்சனை தோற்கடித்த குகேஷ்-க்கு வாழ்த்துக்கள். இந்திய சதுரங்கத்திற்கு ஒரு பெருமைமிக்க தருணம் மற்றும் சதுரங்க விளையாட்டில் மேலும் ஒரு மைல்கல் சாதனையை நிகழ்த்தியுள்ளார்" என முதலமைச்சர் தெரிவித்துள்ளார்.