உலக செஸ் சாம்பியன்ஷிப் போட்டி 2026; ஜெனீவாவில் நடைபெறும் என ஃபிடே அறிவிப்பு..!

உலக செஸ் சாம்பியன்ஷிப் போட்டி 2026 ஜெனீவாவில் நடைபெறும் என ஃபிடே அறிவைத்துள்ளது. FIDEயின் இடைக்காலத் தலைவர் விஸ்வநாதன் ஆனந்த் இந்த அறிவிப்பை வரவேற்றுள்ளார்.

FIDE உலக சாம்பியன்ஷிப் போட்டியை நடத்துவதில் இந்தியா, அமெரிக்கா மற்றும் சைப்ரஸ் உள்ளிட்ட பல நாடுகள் மிகுந்த ஆர்வம் காட்டின. அனைத்து முன்மொழிவுகளையும் பரிசீலித்த பிறகு, நாடுகளையும் கலாச்சாரங்களையும் ஒன்றிணைக்கும் வரலாற்றுப் பாரம்பரியம் கொண்ட நகரமான ஜெனீவாவில் இந்தப் போட்டியை நடுநிலையாக நடத்த முடிவு செய்துள்ளது.

இந்த உலக செஸ் சாம்பியன்ஷிப் போட்டியில் இந்தியாவைப் பிரதிநிதித்துவப்படுத்தும் குகேஷ் மற்றும் உஸ்பெகிஸ்தானைப் பிரதிநிதித்துவப்படுத்தும் சிந்தரோவ் ஆகிய இருவருக்கும் இப்போட்டி தொடங்கும் போது 20 வயது ஆகியிருக்கும். இதனால் இவர்களுக்கு, செஸ் வரலாற்றிலேயே மிக இளம் வயதினருக்கான உலக சாம்பியன்ஷிப் போட்டியாக அமையவுள்ளது.