13 வது ஐபிஎல் தொடர் போட்டி இரு தினங்களுக்கு முன்பு தொடங்கி நடந்து வருகிறது. தற்போது வரை 3 லீக் ஆட்டங்கள் நடந்து முடிந்துள்ளன. இன்று 4 வது ஆட்டமாக சென்னை சூப்பர் கிங்ஸ் அணியும், ராஜஸ்தான் அணியும் ஆடி வருகின்றன.

டாஸ் வென்ற சென்னை சூப்பர் கிங்ஸ் அணி கேப்டான் தோனி பந்து வீச முடிவு செய்துள்ளார். இதனையடுத்து ராஜஸ்தான் ராயல்ஸ் அணி முதலில் பேட் செய்ய களமிறங்கியது. 

ராஜஸ்தான் ராயல்ஸ் அணியின் தொடக்க ஆட்டக்காரர்களாக ஜெய்ஸ்வால் மற்றும் கேப்டன் ஸ்டீவ் சுமித் ஜோடி களமிறங்கினர். இதில், ஜெய்ஸ்வால் 6 ரன்கள் எடுத்த போது தீபக் சாகர் பந்துவீச்சில் காட்டன் போல்ட் ஆகி தனது விக்கெட்டை பறி கொடுத்தார்.

இதனையடுத்து களமிறங்கிய சஞ்சு சாம்சன் உடன் ஜோடி சேர்ந்த கேப்டன் ஸ்டீவ் சுமித் அதிரடியாக ஆட தொடங்கினார். சஞ்சு சாம்சன் 32 பந்துகளில் 9 சிக்சர்களையும் ஒரு பவுண்டரியும் அடித்து சென்னை சூப்பர் கிங்ஸ் அணியை மிரள வைத்தார். சஞ்சு சாம்சன் 74 ரன்கள் எடுத்தபோது லுங்கி நீகுடி பந்துவீச்சில் தீபக் இடம் கேட்ச் கொடுத்து தனது விக்கெட்டை இழந்தார். சென்னை அணி நிம்மதி பெரு மூச்சு விட்டது.

கேப்டன் ஸ்டீவ் சுமித் 47 பந்துகளை 69 ரன்கள் எடுத்து தனது விக்கட்டை பறி கொடுத்தார். இறுதியில் 20 ஓவர் முடிவில் ராஜஸ்தான் ராயல்ஸ் அணி, 7 விக்கெட் இழப்புக்கு,  216 ரன்கள் எடுத்துள்ளது.