கிரிக்கெட் ரசிகர்கள் ஏமாற்றம்!...இந்தியா-வங்களாதேசம் டெஸ்ட் போட்டி முழுமையாக ரத்து!

இந்தியாவிற்கு சுற்றுப்பயணம் மேற்கொண்டுள்ள வங்காளதேச கிரிக்கெட் அணி, 3 டி20 மற்றும் 2 டெஸ்ட் போட்டிகள் கொண்ட தொடரில் ஆடி வருகிறது.

சென்னையில் நடைபெற்ற முதலாவது டெஸ்டில் 280 ரன்கள் வித்தியாசத்தில் வெற்றி பெற்று இந்தியா தொடரில் 1-0 என்ற கணக்கில் முன்னிலையில் உள்ளது. இந்த நிலையில் இந்தியா- வங்காளதேசம் இடையிலான 2-வது டெஸ்ட் போட்டி உத்தரபிரதேச மாநிலம் கான்பூரில் உள்ள கிரீன் பார்க் ஸ்டேடியத்தில் நேற்று தொடங்கியது.

வங்காளதேச அணி முதலில் பேட்டிங் செய்த நிலையில், 35 ஓவர்களில் 3 விக்கெட்டுகளை இழந்து 107 ரன்கள் அடித்திருந்தபோது வெளிச்சமின்மை காரணமாக ஆட்டம் தற்காலிகமாக நிறுத்தப்பட்டது.
இதையடுத்து இன்று 2-வது நாள் ஆட்டம் நடைபெற இருந்த நிலையில், இன்று காலை முதல் கான்பூரில் மீண்டும் மழை பெய்து வருவதால் 2வது நாள் ஆட்டம் முழுமையாக ரத்து செய்யப்பட்டுள்ளது. இதனால் கிரிக்கெட் ரசிகர்கள் மிகவும் ஏமாற்றம் அடைந்துள்ளனர்.